Газ тапшылығы: Маңғыстауда газды өзге өңірлерге сатқан кәсіпкерлер анықталды

Алайда қазан айында Атырау мұнай өңдеу зауыты жоспарлы жөндеуге жабылуына байланысты, облысқа қажетті 3658 тонна газ Ақтөбедегі «СНПС-Ақтөбемұнайгаз» зауытынан вагон арқылы тасымалданып жатыр. Логистикалық бағыттың өзгеруі өнімнің кешігіп жетуіне және кейбір автогаз құю станцияларында кезектің пайда болуына әсер еткен.

Басқарма басшысының айтуынша, газ тапшылығына тек тасымалдаудың кешігуі емес, кейбір кәсіпкерлердің жауапсыз әрекеттері де себеп болған.

— Кей кәсіпкерлер өздеріне бөлінген газды бекітілген станцияларға жеткізбей, өзге өңірлерге сатқан жағдайлар анықталды. Сондай-ақ, кейбір жаңа бекеттер ай сайынғы көлемді ұлғайту мақсатында тіркеліп, шын мәнінде газды басқа нүктелер арқылы өткізген. Біз газдың әр литрінің қайда бағытталғанын толық тексереміз, — дейді басқарма басшысы.

Облыста 552 автогаз құю станциясы бар. Басқарма басшысы Пікір Сансызбаевтың мәліметінше, Атырау мұнай өңдеу зауытындағы жөндеу жұмыстары қазан айының соңына дейін аяқталады. 1 қарашадан бастап сұйытылған мұнай газының төңірегінде мәселе болмауы тиіс.

Бұған дейін, Ақтөбедегі сұйытылған мұнай газының тапшылығы туралы жазған болатынбыз.