Трамп Байден әкімшілігін Украинаға қатысты шешімі үшін айыптады

АСТАНА, 17 қазан – Sputnik. АҚШ президенті Дональд Трамп бұрынғы президент Джо Байденнің әкімшілігі Украинаға қатысты көптеген қате шешім қабылдады деп мәлімдеді.

"Байденнің әкімшілігі жемқор болды және билікті өз мүддесіне пайдаланды. Олар Украинаға қатысты көптеген жаман әрекет жасады", – деді Трамп журналистерге.

Алайда АҚШ басшысы қандай әрекеттерді меңзеп отырғанын нақтыламады. Ол Джо Байденді, оның ұлы Хантерді және олардың айналасындағы адамдарды да жемқорлыққа қатысы бар деп айыптады.

Трамп бұған дейін 2020 жылғы президент сайлауында өзі жеңіске жеткенде, Украинадағы қақтығыс басталмас еді деп бірнеше рет мәлімдеген. Сондай-ақ ол жағдайдың ушығуына Барак Обама мен Джо Байденнің бұрынғы әкімшіліктерін жауапты деп санайтынын айтқан. Трамптың пікірінше, Украина президенті Владимир Зеленский де қақтығысты дипломатиялық жолмен реттеуге шынайы ұмтылыс танытпай отыр.