Германия құрамасының қақпашысы әлем чемпионатында рекорд орнатты

Фото: Depositphotos.com

Германия құрамасының қақпашысы Мануэль Нойер футболдан 2026 жылғы әлем чемпионатының топтық кезеңінің алғашқы турында Кюрасаоға қарсы кездесуде негізгі құрамда алаңға шықты. Бұл ойын қақпашының спорттық мансабындағы бесінші мундиаль ретінде тарихқа енді. Сондай-ақ тәжірибелі қақпашы Германия құрамасы сапында ірі халықаралық турнирде алаңға шыққан ең егде ойыншы атанды. Бұған дейінгі рекорд Лотар Маттеуске тиесілі еді.

Әлем чемпионаты: Нидерланд пен Жапония тең түсті

Кездесуде Германия құрамасы Кюрасаоны 7:1 есебімен ойсырата жеңді. Феликс Нмеча, Нико Шлоттербек, Джамал Мусиала, Натаниэль Браун және Дениз Ундав бір-бір голдан соқты. Ал Кай Хаверц дубль авторы атанды. Кюрасао құрамасының жалғыз голын Ливано Комененсия соқты.

Айта кетейік, Кюрасао құрамасы әлем чемпионатына алғаш рет қатысып отыр. Команданың бас бапкері – Дик Адвокат.

Бірінші турдан кейін Германия құрамасы үш ұпаймен Е тобында көш бастады. Бұл топта Эквадор және Кот-д’Ивуар құрамалары да өнер көрсетеді.

Еске сала кетейік, футболдан әлем чемпионатының «F» тобында Швеция мен Тунис құрамалары кездесті. Матчта Швеция қарсылас командадан басым түсті.

Жанасыл ЗАЙТИМХАН,

ЕҰУ студенті