Гитлер хайль деу үшін қолын қалай жаттықтырған?

Тарих парақтарындағы қанды диктатор деп саналған Адольф Гитлердің образы мінсіз әрі мызғымас болып көрінгенімен, оның тасасында үлкен «қойылым» мен физикалық дайындық жатқаны белгілі болды. Жақында жарияланған зерттеулер мен тарихи құжаттар Гитлердің халық алдында сағаттап қол көтеріп тұру үшін арнайы жаттығулар жасағанын және дәрігерлердің көмегіне жүгінгенін әшкереледі.

Эспандер мен ашық терезе алдындағы жаттығу 

Гитлер өзінің сыртқы келбеті мен бұқараға әсер ету күшіне ерекше мән берген. Ол үшін парад кезінде сағаттап қолды жоғары көтеріп тұру — жай ғана қимыл емес, «көсемнің» мызғымас күшін көрсететін маңызды символика болды. Алайда қарапайым адам баласы үшін қолды бұлай ұзақ ұстап тұру физикалық тұрғыдан өте қиын.

Тарихшы Норман Олердің айтуынша, Гитлердің арнайы жаттығу залы болған. Онда ол арнайы резеңке таспа (эспандер) арқылы қолының бұлшықеттерін шынықтырған. Диктатор мұндай жаттығуларды ашық терезе алдында жасағанды ұнататын көрінеді. Бұл деректі растайтын ресми құжаттар оның образының әрбір бөлшегі мұқият «режиссерланғанын» көрсетеді.

Гитлердің «темірдей» денсаулығы мен шаршамайтын қуатының тағы бір құпиясы оның жеке дәрігері Теодор Морельмен байланысты. Дәрігер оған күн сайын арнайы уколдар (екпелер) салып отырған. Осы инъекциялардан кейін фюрер өзін сергек сезініп, ауру-сырқауды ұмытып, сағаттап парадтар мен жиындарда қасқайып тұра алатын деңгейге жеткен.

Бұл жағдай Кеңес Одағына шабуыл жасағанға дейін жалғасқан. Оған дейін Морель мен Гитлер «бақытты» өмір сүрді деуге болады, өйткені медициналық қолдау диктаторға өз образын сақтап қалуға мүмкіндік берді.

Насихат – мінсіз образ жасау өнері Нацистер насихат (пропаганда) жүргізудің нағыз шеберлері болды. Олар Гитлерді қарапайым пендеге тән әлсіздігі жоқ, «асқан тұлға» ретінде көрсетуді мақсат етті. Бірақ оның қол жаттықтыруы мен дәрі-дәрмекке тәуелділігі оның да ет пен сүйектен жаралған, физикалық шегі бар адам болғанын тағы бір мәрте дәлелдейді.