Халықаралық әуе тасымалының құны бір жылда 36% ға жуық өсті

АСТАНА, 3 маусым – Sputnik. 2026 жылдың сәуірінде халықаралық әуе билеттерінің бағасы өткен жылдың сәйкес айымен салыстырғанда 35,8%-ға өсті, ал ішкі рейстер 22,8%-ға қымбаттады, деп жазды Energyprom.kz.

2026 жылдың қаңтар-сәуір айларында Қазақстанда әуе көлігімен 4,5 млн жолаушы тасымалданды, бұл өткен жылдың сәйкес кезеңімен салыстырғанда 2,7%-ға көп.

2026 жылдың қаңтар-сәуір айларында әуе компанияларының жолаушыларды тасымалдаудан түскен табысы 272,4 млрд теңгеге жетіп, өткен жылмен салыстырғанда 11,6%-ға өсті.

2026 жылдың қаңтар-сәуір айларында Алматы 128,3 млрд теңге (47,1%), Астана 68,6 млрд теңге, ал Шымкент 29,9 млрд теңге табыс келтірді. Үш ірі қала саладағы жалпы табыстың 83,2%-ын құрап отыр.

"2026 жылдың сәуір айының қорытындысы бойынша әуе жолаушылар тасымалы қызметінің бағасы өткен жылдың сәуірімен салыстырғанда 29,3%-ға өсті", - деп жазылған хабарламада.

Ел ішінде кей өңірлерде баға айтарлықтай өсті. Маңғыстау облысында әуе билеті бір жылда 1,5 еседен астам қымбаттаса, Қарағанды облысында 46,6%, Астанада 46%, Абай облысында 43%, Атырау облысында 42,1% өскен. Алматыда баға өсімі 32%-ды құрады.