ХВҚ 2026 жылға арналған жаһандық экономикалық өсім болжамын төмендетті

Ұйымның «Әлемдік экономиканың даму перспективалары» (World Economic Outlook) атты жаңартылған есебінде 2027 жылға арналған болжам 3,2% деңгейінде сақталған.

Қайта қаралған болжам жаһандық экономикалық өсімнің баяулайтынын көрсетеді. ХВҚ бағалауынша, 2025 жылы әлемдік ІЖӨ өсімі 3,4% болған.

Бұған дейін 2026 жылға арналған өсім 3,4% деңгейінде болжанған еді.

Есепте Таяу Шығыстағы қақтығыстың ықпалы ескеріліп, дәстүрлі базалық болжамның орнына «анықтамалық болжам» ұсынылған. Ол қақтығыс ауқымы мен ұзақтығы шектеулі болады және оның салдары 2026 жылдың ортасына қарай әлсірейді деген жорамалға негізделген.

Сондай-ақ қор деректеріне сәйкес, 2026 жылы жаһандық инфляция 4,4%-ға дейін өсіп, 2027 жылы 3,7%-ға дейін төмендейді деп күтіліп отыр.

Айта кетейік, ХВҚ Трамп әрекетінің әлемдік экономикада «шиеленісті спираль» тудыруы мүмкін екенін болжаған болатын.