Инсульт: дәрігерлер өмір мен өлім арасы бір сағат екенін ескертті

Айдың, күннің аманында, аяқ-қолы балғадай сап-сау жүрген адам аяқасты құлап, есінен танып жатыр. Мұндайда жұрттың көбі сүрініп кеттім деп ойлайды. Бірақ дәрігерлер кейде бұл кездейсоқ жайт емес екенін ескертеді. Инсульт дәл осылай келеді.

Денсаулық сақтау министрлігінің дерегіне қарағанда биыл өткен 9 айда елдегі инсульт орталықтарында 39 447 пациент емделген. Стационарлық өлім деңгейі 11,3%. «Бұл кейінгі жылдардағы ең төменгі көрсеткіштердің бірі. Осының өзі дәтке қуат», – дейді дәрігерлер.