iPhone ды саяхатта қалай пайдалануға болады сіз білмеген болуыңыз мүмкін 4 кірістірілген функция

iPhone иелерінің көпшілігі оның саяхат кезіндегі мүмкіндіктерін пайдаланбайды. Гаджеттің тәжірибелі пайдаланушыларының бірі жолбасшы мен аудармашының орнын басатын кіріктірілген функциялар туралы айтып берді, деп хабарлайды Tengri Travel.

iPhone иелерінің көпшілігі оның саяхат кезіндегі мүмкіндіктерін пайдаланбайды. Гаджеттің тәжірибелі пайдаланушыларының бірі жолбасшы мен аудармашының орнын басатын кіріктірілген функциялар туралы айтып берді, деп хабарлайды Tengri Travel.

Пайдаланушылардың бірі желіде саяхатты жеңілдетуге көмектесетін бірнеше пайдалы функция мен қосымшалар туралы бөлісті.

"Бір қызығы, iPhone-ды көп адам пайдаланса да, саяхат кезінде оның мүмкіндіктерін қолданбайды. Негізінде iPhone-да қосымша бағдарламаларды жүктемей-ақ, сапарыңызды жеңілдететін кіріктірілген функциялар бар", - деп атап өтті ол.

Скриншот: Threads

iPhone саяхат кезінде не істей алады? Билеттерді Apple Wallet-ке сақтаңыз

Автордың айтуынша, тіркеу бағанының немесе гейттің алдында поштадан немесе мессенджерлерден қажетті PDF-файлды іздеп әуре болудың қажеті жоқ.

Электронды отырғызу талонын жүктеп алу өте оңай:

рейске билетіңіз бар хатты, SMS-ті немесе әуекомпания қосымшасын ашыңыз; әмиян белгішесі бар қара түсті "Apple Wallet-ке қосу" (Add to Apple Wallet) батырмасын тауып, оны басыңыз; шыққан билеттің жоғарғы оң жақ бұрышындағы "Қосу" батырмасын басыңыз.

Ал әуежайда билетті көрсету үшін Wallet қосымшасын ашсаңыз жеткілікті. Сонымен қатар ұшу күні iPhone отырғызу талонын бұғаттау экранына өзі шығарады - сізге свайп жасау ғана қалады.

Ұшу алдында офлайн-карталарды жүктеп алыңыз

Кез келген туристің басты қорқынышы - бейтаныс қалада байланыссыз қалу. Тәжірибелі пайдаланушылар қымбат роумингке шығынданбау және адасып кетпеу үшін қажетті картаны алдын ала жүктеп алады.

Ол үшін:

кіріктірілген "Карталар" (Apple Maps) қосымшасын ашу; профиль белгішесін басу (іздеу жолағының оң жағындағы дөңгелек фото немесе инициалдар); "Офлайн-карталар" бөлімін таңдап, содан кейін "Жаңа картаны жүктеу" батырмасын басу; қаланың немесе аймақтың атын енгізу (мысалы, "Стамбул" немесе "Дубай"); сақтау қажет аймақты жақтаумен белгілеп, "Жүктеу" батырмасын басу керек;

Енді навигация және орындарды іздеу функциясы тіпті "ұшақ режимінде" де жұмыс істейді.

Скриншот: Apple Maps

Валютаны калькулятор арқылы бір секундта ауыстырыңыз

Браузерді ашып, іздеу жүйесіне "150 дирхам теңгемен қанша" деп жазып әуре болудың қажеті жоқ. Кәдесый немесе кешкі ас құнын стандартты калькуляторда-ақ есептеуге болады.

Ол үшін:

стандартты "Калькулятор" қосымшасын ашу; төменгі сол жақ бұрыштағы көрсеткіштері бар калькулятор белгішесін басу (режимдер мәзірі); "Конвертация" (Convert) тумблерін қосу; пайда болған жолақтардан қажетті валюта жұбын таңдау (мысалы, жүрген еліңіздің жергілікті валютасы мен қазақстандық теңге KZT); соманы енгізу - калькулятор оны сол сәттегі өзекті курс бойынша бірден есептеп береді. Маңдайшалар мен мәзірлерді камера арқылы аударыңыз

Бейтаныс таңбаларды немесе иероглифтерді аудармашыға қолмен теріп жазу оңай шаруа емес. iPhone-да бұл мәселе кіріктірілген алгоритмдер арқылы баяғыда шешілген.

Ол үшін:

кіріктірілген "Аударма" (Translate) қосымшасын тауып, ашу; төменгі мәзірден "Камера" бөлімін таңдау; жоғарыдан тіл жұбын таңдау (мысалы, "Қытай тілінен" "Орыс тіліне" немесе басқа тілге); смартфон объективін мейрамхана мәзіріне, көшедегі көрсеткішке немесе нұсқаулыққа бағыттау керек.

Скриншот: Translate

Аударма экрандағы шетелдік мәтіннің үстінде пайда болады. Кескін қозғалмай, оқуға ыңғайлы болуы үшін суретке түсіру батырмасын басыңыз - смартфон кадрды бекітіп қояды.

Google News арқылы жаңалықтарымызды қадағалаңыз

Жазылу