Ішкі істер министрлігінің Қоғамдық кеңесі былтырғы жұмысты қорытындылап, 2026 жылға жоспар жасады

Бүгін Ішкі істер министрлігінің Басқару академиясында Қоғамдық кеңестің биылғы алғашқы отырысы өтті, – деп хабарлайды Aikyn.kz сайты.  

Отырысқа  Ішкі істер органдары қызметінің мәселелері жөніндегі Қоғамдық кеңесінің Төрағасы Бақтияр Мәкен төрағалық етті, сондай-ақ кеңес мүшелері мен ІІМ басшылығы қатысты.

Бақтияр Мәкен отырыс барысында 2025 жылғы жұмыстардың қорытындысын айтып, алдағы кезеңге арналған басым бағыттарды жариялады. Оның айтуынша, өткен жылы Қоғамдық кеңес үш отырыс өткізді және қоғам үшін аса өзекті сегіз мәселені қарастырды: құқық бұзушылықтың алдын алу, интернет-алаяқтыққа қарсы іс-қимыл, қылмыстық-атқару жүйесінің қызметі, тергеу изоляторлары мен арнаулы қабылдау орындарының проблемалары, есірткі қылмысына қарсы күрес, кадр саясаты және ішкі істер органдарын материалдық-техникалық қамтамасыз ету.

- Бүгін Ішкі істер органдары қызметі жөніндегі Қоғамдық кеңестің биылғы жылғы алғашқы отырысы өтіп жатыр. Бүгінгі отырыста 2025 жылы атқарылған жұмыстардың қорытындысын шығарып, алдағы кезеңге арналған басым бағыттарды айқындаймыз.

Осы ретте облыстық ішкі істер органдары қызметі жөніндегі Қоғамдық кеңестің 2025 жылы атқарған жұмысы мен қол жеткізген нақты нәтижелеріне қысқаша тоқталғым келеді.

2025 жылдың наурыз айында Қоғамдық кеңестің жаңа құрамы жасақталды. Оның құрамына азаматтық қоғам өкілдері, депутаттар, сарапшылар, ғылым, білім беру саласының және бұқаралық ақпарат құралдарының өкілдері енді. Бұл қоғам мен ішкі істер органдары арасындағы байланысты формалды емес, нақты жұмыс істейтін диалог алаңына айналдыруға мүмкіндік берді.

Есепті кезеңде біз Қоғамдық кеңестің үш отырысын өткізіп, қоғам үшін аса өзекті сегіз мәселені қарадық. Олар: құқық бұзушылықтың алдын алу, интернет-алаяқтыққа қарсы іс-қимыл, қылмыстық-атқару жүйесінің қызметі, тергеу изоляторлары мен арнаулы қабылдау орындарының проблемалары, есірткі қылмысына қарсы күрес, кадр саясаты және ішкі істер органдарын материалдық-техникалық қамтамасыз ету.

Әр отырыс тек пікір алмасумен шектелмей, нақты ұсыныстар қамтылған қаулылар қабылдаумен аяқталды. Бұл ұсыныстар Ішкі істер министрлігінің тиісті бөлімдеріне жолданып, практикалық жұмыста қолданыла бастады. Осылайша, Қоғамдық кеңестің қызметі «есеп үшін» емес, нақты нәтижеге бағытталған қолданбалы сипат алды,-дейді Бақтияр Мәкен.

Бақтияр Мәкеннің сөзінше, Қоғамдық кеңес жұмысы тек формальды талқылауға емес, нақты нәтижеге бағытталған. Кеңес мүшелері 2025 жылғы 23 маусымда Мемлекет басшысы Қасым-Жомарт Тоқаевтың төрағалығымен өткен құқық қорғау органдарының кеңейтілген алқа отырысына қатысып, қойылған міндеттерді 2026 жылғы жоспарға енгізді.

- Жұмыстың тағы бір маңызды бағыты - нормативтік құқықтық актілерге қоғамдық сараптама жүргізу болды. 2025 жылы Қоғамдық кеңес Ішкі істер министрлігі әзірлеген 89 құжат жобасын қарады. Олардың қатарында азаматтардың құқықтары мен міндеттеріне тікелей қатысты заң жобалары, Үкімет қаулылары мен министрлік бұйрықтары бар. Бірқатар жобалар бойынша ескертулер мен ұсыныстар айтылып, олар әзірлеушілер тарапынан ескерілді. Бұл қабылданатын шешімдердің сапасын арттыруға қосылған нақты үлес деп есептейміз.

Қоғамдық бақылау аясында екі көшпелі мониторинг жүргізілді. Атап айтқанда, Ақмола облысы Аршалы ауданының полиция бөліміне және Ұлттық ұлан бөлімшелеріне бардық. Біз қағаз жүзіндегі есеппен шектелмей, тікелей орындарға барып, қызметтің ұйымдастырылуын бақылап, жеке құрамның жағдайымен танысып, қызметкерлермен ашық әңгімелестік. Мониторинг нәтижелері бойынша тиісті басшылыққа ұсыныстар жолданды.

Сонымен қатар, Қоғамдық кеңес мүшелері 2025 жылғы 23 маусымда Мемлекет басшысы Қасым-Жомарт Тоқаевтың төрағалығымен өткен құқық қорғау органдарының кеңейтілген алқа отырысына қатысты. Онда қойылған міндеттер Қоғамдық кеңестің алдағы жұмысына бағыт-бағдар болды.

Осы ретте тағы бір маңызды жайтқа тоқталғым келеді. Біз қызметімізді ашық жүргізуге ұмтылдық. Қоғамдық кеңестің жұмысы туралы ақпарат бұқаралық ақпарат құралдары мен түрлі диалог алаңдары арқылы көпшілікке тұрақты түрде жеткізіліп отырды. Бұл қоғамдық бақылаудың формальды емес, нақты өзара іс-қимыл құралы екенін көрсетуге және сенімді арттыруға мүмкіндік берді.

Жалпы алғанда, 2025 жыл Қоғамдық кеңестің абстрактілі емес, нақты мәселелермен айналысатын жұмыс алаңына айналғанын көрсетті. Интернет-алаяқтықтан бастап кадр саясаты мен қызмет жағдайына дейінгі өзекті проблемалар көтерілді. Осы практикалық бағытты алдағы уақытта да сақтап, қоғамдық бақылауды, сараптамалық жұмысты және қоғаммен кері байланысты күшейту маңызды,-дейді ол.

Қоғамдық кеңес өз жұмысын ашық жүргізуге ұмтылып, ақпаратты БАҚ және түрлі диалог алаңдары арқылы тұрақты түрде жеткізіп отырды. Бұл кеңестің формальды бақылаудан гөрі нақты өзара іс-қимыл құралы екенін көрсетті.

Отырыс қорытындысында Қоғамдық кеңестің 2026 жылға арналған 15 тармақтан тұратын жұмыс жоспары бекітілді. Жоспар ішкі істер органдары қызметіндегі нақты мәселелерді шешуге бағытталған және Қоғамдық кеңесті жай пікірталас алаңы емес, пәрменді әрі нәтижелі қоғамдық бақылау тетігіне айналдыруға ұмтылды.

Абай Құнанбайұлы: «Пайда ойлама, ар ойла, талап қыл артық білуге» деген. Біздің жұмысымыз да дәл осы қағидаға негізделуге тиіс: қоғам мүддесін бірінші орынға қойып, әділдік пен жауапкершілікті басты өлшем ету – басты парыз.

Қорытындылай келе, бүгін Қоғамдық кеңестің 2026 жылға арналған 15 тармақты қамтитын жұмыс жоспары бекітілді. Бұл жоспар формальды талқылауға емес, ішкі істер органдары қызметіндегі нақты мәселелерді шешуге бағытталған. Ендігі міндет - осы жоспарды белсенді түрде іске асыру, қабылданған шараларды жүйелі түрде іске асыру және Қоғамдық кеңесті жай пікірталас алаңы емес, проблемаларды шешетін пәрменді әрі нәтижелі қоғамдық бақылау тетігіне айналдыру.

Абайдың тағы бір сөзімен айтсақ, «Ісіңе қарап бағала, сөзіңе қарап емес». Біздің бағамыз да нақты атқарылған іспен өлшенуі тиіс. Шәкәрімше айтсақ, «Адал еңбек, ақ жүрек, арлы ақыл – адамдықтың негізі». Бұл қағида біздің қоғамдық бақылаудағы басты ұстанымымыз болып қала береді.

Қоғамдық кеңестің барлық мүшесіне және Ішкі істер министрлігіндегі әріптестерге бірлескен, сындарлы әрі жауапты жұмысы үшін алғыс айтамын,-деді Қоғамдық кеңес Төрағасы Бақтияр Мәкен.