Израиль Ливанның оңтүстігі мен шығысына 10 нан астам әуе шабуылын жасады

Израиль әскері Ливанның оңтүстігіндегі Небатия, Саида, Марджаюн және Бинт Кубейль қалаларына, сондай-ақ Ливанның шығысындағы Бекаа аймағындағы Баальбек қаласына соққы жасады.

Әскери ұшақтар Небатиядағы Румин және Хумин қалалары арасындағы аймаққа, ұшқышсыз ұшатын аппарат Февка қаласының солтүстік бөлігінде орналасқан Али-эт-Тахир төңірегіне соққы жасады.

Израиль әуе күштері Сайдадағы Бенафул ауылына екі және Сарафанд пен Бейсария ауылдары арасындағы Хербе Дувейр аймағына бір соққы берді. Сонымен қатар Израильдің ұшқышсыз ұшу аппараты Шаркия және Кусрия эс-Сайяд ауылдары арасындағы жолға басқарылатын зымырандық шабуыл жасап, жолда үлкен кратер қалдырды.

2023 жылдың қазан айында Израиль Ливанға шабуыл жасап, ол 2024 жылдың қыркүйегінде кең ауқымды соғысқа ұласты. Осы қақтығыс кезінде 4000-нан астам адам қаза тапты. Сондай-ақ 17000-ға жуық адам жараланып, 19-ы қамауға алынды.

Былтыр қараша айында Хезболла мен Израиль арасындағы атысты тоқтату туралы келісімге қарамастан, Израиль оны 4500-ден астам рет бұзып, жүздеген бейбіт тұрғынды өлтіріп, жаралады.

Бұған дейін Израильдің Ливанның оңтүстігіне шабуылынан Сирия тұрғыны мерт болғаны туралы жаздық.