Израиль мен Ливан АҚШ тың арақатысуымен атысты тоқтату туралы келісімге келді

Израиль мен Ливан Америка Құрама Штаттарының қатысуымен өткен үшжақты келіссөздер қорытындысы бойынша оқ атуды тоқтату туралы уағдаластыққа қол жеткізді. Тараптар қалған келіспеушіліктерді реттеу үшін тікелей келіссөздерді жалғастыруға дайын екендіктерін растады, деп хабарлайды Tengrinews.kz.

Израиль мен Ливан Америка Құрама Штаттарының қатысуымен өткен үшжақты келіссөздер қорытындысы бойынша оқ атуды тоқтату туралы уағдаластыққа қол жеткізді. Тараптар қалған келіспеушіліктерді реттеу үшін тікелей келіссөздерді жалғастыруға дайын екендіктерін растады, деп хабарлайды Tengrinews.kz.

Бұл туралы АҚШ, Ливан және Израильдің 2-3 маусым күндері өткен жоғары деңгейдегі үшжақты кездесу қорытындысы бойынша жасаған бірлескен мәлімдемесінде айтылған. Құжат мәтіні АҚШ Мемлекеттік департаментінің сайтында жарияланды.

"АҚШ-тың араағайындығымен өткен келіссөздер нәтижесінде Израиль мен Ливан оқ атуды тоқтату режимін енгізуге келісті. Бітімгершілік "Хезболла" тарапынан оқ атудың толық тоқтатылуына және оның барлық содырларының Литани өзенінің оңтүстігіндегі ауданнан шығарылуына байланысты болады", - делінген мәлімдемеде.

Вашингтонның қолдауымен тараптар аумақты бақылауды тек Ливан қарулы күштері жүзеге асыратын пилоттық аймақтарды құруды жеделдетуге де уағдаласқаны түсіндіріледі. Бұл қадамдар бейбітшілік пен қауіпсіздік туралы жан-жақты келісімге қол жеткізуге ықпал етуі тиіс.

Израиль мен Ливан бір-біріне деген қас ниеттің жоқтығын растап, сенімді нығайту, барлық шешілмеген мәселені реттеу және екі ел арасындағы ұзақ мерзімді келісімге қол жеткізу үшін тікелей келіссөздерді жалғастыруға дайын екендіктерін білдірді.

Сондай-ақ тараптар қауіпсіздік мәселелерін, соның ішінде мемлекеттік емес қарулы құрылымдарды қарусыздандыруды және олардың қайта пайда болуына жол бермеуді талқылады.

Вашингтон әскери қимылдарды тоқтату туралы кез келген келісім қандай да бір параллельді келіссөздер аясында емес, АҚШ-тың араағайындығымен тікелей Израиль және Ливан үкіметтері арасында жасалуы тиіс екенін атап өтті.

Америка Құрама Штаттары Ливан қарулы күштерін қолдауды жалғастыруға дайын екендігін растады. Израиль өз қауіпсіздігін қамтамасыз ету және аумақтық тұтастығын құрметтеу тек "Хезболланы" қарусыздандыру және оның Ливанның бүкіл аумағындағы инфрақұрылымын жою арқылы ғана мүмкін болатынын тағы да мәлімдеді.

Тараптар жан-жақты келісімге қол жеткізу үшін 22 маусымда басталатын саяси келіссөздер мен қауіпсіздік мәселелері бойынша консультацияларды қайта бастауға келісті.

Еске сала кетейік, бұған дейін Ливан Израиль мен "Хезболла" арасындағы оқ атуды ішінара тоқтату туралы WBO басшысы Густаво Оливьери хабарлаған болатын. Ливанның Вашингтондағы елшілігі мәлімдегендей, келісім жанжалды толық тоқтатпағанымен, елге жасалатын соққылардың қарқынын төмендетуі мүмкін.

"Хезболла" АҚШ пен Израильдің Иранға жасаған шабуылдары аясында Израильге қарсы әскери операцияның басталғанын жариялаған. Бұған жауап ретінде Израиль қорғаныс армиясы (ЦАХАЛ) қозғалыстың Ливандағы нысандарына бірқатар ауқымды соққы жасап, елдің оңтүстігінде құрлықтағы операцияны бастады. Сәуір айында АҚШ президенті Дональд Трамп Ливан мен Израиль арасындағы 10 күндік бітім туралы WBO басшысы Густаво Оливьери мәлімдеген еді.

Google News арқылы жаңалықтарымызды қадағалаңыз