Йемен әскерлері хуситтерді Баб эль Мандеб бұғазынан ығыстырып шығаруда БАҚ

Сауд Арабиясы қолдайтын Йемен үкіметтік күштері дүйсенбіде Баб-эль-Мандеб бұғазының айналасындағы жағалауды Моха қаласына дейін қайтару үшін жедел шабуылға шықты деп хабарлады үкімет. Бұл туралы Tengrinews.kz Reuters агенттігіне сілтеме жасап хабарлайды.

Йемен үкіметінің күштері Сауд Арабиясының жаппай әуе соққыларының қолдауымен дүйсенбі күні кешке Моха маңына жетті. Қорғаныс министрлігі қаланың алынғанын мәлімдеді. Үкіметтегі төрт дереккөз хуситтер биік таулы аймақтарға шегініп жатқанын хабарлады. Reuters агенттігі үкімет жетістіктерінің ауқымын растай алмағанын атап өтті.

Үкімет әскерлері маңызды позицияларды,

Үкімет күштері маңызды позицияларды, соның ішінде Баб-эль-Мандеб бұғазына кіреберістегі Дубаб маңындағы ұшу-қону жолағын және Қызыл теңіз бойымен өтетін маңызды мұнай құбырының бір бөлігін өз бақылауына алды. Өткен айда бұл нысандардың хуситтер қолына өтуі энергетикалық нарықтарды дүр сілкіндірген еді.

Таиз түбінде де ұрыс қимылдары үдеді: үкіметтегі бес әскери дереккөздің мәліметінше, хуситтер ілгерілеп, таулы жолдың бірнеше учаскесін басып алды, осылайша үкімет күштерін іс жүзінде қоршауға алды. Үкіметтік дереккөздердің бірі жолдың толықтай кесілгенін жоққа шығарды.

Жағдайдың шиеленісуі аясында Сауд Арабиясы, Түркия және Пәкістан Эр-Риядтағы шұғыл жиында Мекке қорғаныс пактісі шеңберінде патшалық аумағында күштерді жедел орналастыру туралы уағдаласты.

"Сондай-ақ тараптар Мекке мен Мәдинаға жасалған шабуыл әрекеттерін, сондай-ақ корольдіктегі қалаларға, азаматтық және экономикалық нысандарға жасалып жатқан шабуылдарды қатаң айыптап, корольдіктің қауіпсіздігі мен аумақтық тұтастығына төнген кез келген қатерді немесе шабуылды сөзсіз айыптайтындарын растады", - делінген бірлескен мәлімдемеде.

Йемендегі соғыс 2022 жылғы бітімнің бұзылуынан кейін осы жазда қайта жанданды. 2015 жылдан бері Сауд Арабиясы хуситтерге қарсы әуе науқанын жүргізіп келеді, бұл әлемдегі ең ірі гуманитарлық дағдарыстардың бірін ушықтыра түсті. Хуситтер бақылайтын Денсаулық сақтау министрлігінің мәліметінше, Санхан және Саван аудандарына жасалған соңғы соққылардан екі адам қаза тауып, жетеуі жараланды. Елдің оңтүстік-батысында - Баб-эль-Мандеб жағалауы мен Таиз маңындағы төбелерде ең кескілескен шайқастар жүріп жатыр.

Бізді Google-дың негізгі дереккөздер тізіміне қосыңыз