Көкшетаудағы колледжде оқитын 16 жастағы баланың мәйіті дәретханадан табылды

Көкшетауда колледж жатақханасында студенттің мәйіті табылды, – деп хабарлайды Aikyn.kz сайты.

Әлеуметтік желіде жарияланған ақпаратқа сәйкес,16 жастағы бозбаланың мәйітін кураторы дәретханадан тауып алған. Оқиға орнына жедел жәрдем қызметі дереу шақыртылған, алайда дәрігерлер баланы ажалдан арашалап қала алмады.

Ақмола облысының Полиция департаменті трагедияға қатысты түсініктеме берді.

«2009 жылы туған кәмелетке толмаған баланың өлімі бойынша қылмыстық іс қозғалды. Алдын ала мәлімет бойынша, оқиға қылмыстық сипатқа ие емес. Қазіргі уақытта оқиғаның себебі мен мән-жайын анықтау жұмыстары жүргізіліп жатыр», – деп жазылған хабарламада.

ҚР Қылмыстық іс жүргізу кодексінің 201-бабына сәйкес, басқа ақпарат жария етілмейді.