Көктемгі егіс науқаны: Биыл қанша фермер жеңілдетілген несие алды?

Биылғы көктемгі дала жұмыстарына дайындық аясында ауыл шаруашылығы өндірушілерін ерте қаржыландыру жалғасып жатыр. Қазірдің өзінде 2 900-ден астам шаруа жеңілдетілген несиеге қол жеткізіп, алқаптарға қажетті дайындық жұмыстарын бастауға мүмкіндік алды, деп жазады Egemen.kz. 

Фото: Ауыл шаруашылығы министрлігі

Ауыл шаруашылығы министрлігінің мәліметінше, 2026 жылғы маусымдағы көктемгі егіс науқанына арналған ерте қаржыландыру бағдарламасы белсенді түрде жүзеге асырылып келеді. Бағдарлама бойынша өтінімдерді қабылдау 2025 жылғы қазан айында басталған. Ауыл шаруашылығы тауарын өндірушілер үшін сыйақының түпкілікті мөлшерлемесі жылдық 5% деңгейінде белгіленген.

Қазіргі уақытта жалпы сомасы 519 млрд теңгеге 3 534 ауыл шаруашылығы тауарын өндірушіден өтінімдер пулы қалыптастырылған. Соның ішінде 2 936 өтінім мақұлданып, 288 млрд теңге көлемінде қаржыландырылды. Бұл қаражат 3 млн гектардан астам егіс алқабын қамтиды.

Бағдарлама аясында шаруалардың қаржыға қолжетімділігін кеңейту үшін «Даму» қоры арқылы қарыздарды кепілдендіру тетігі де іске қосылған. Бұл механизм несие сомасының 85%-ына дейін кепілдік беруге мүмкіндік береді. Бүгінгі күнге дейін 111,5 млрд теңге көлеміндегі қарыздар бойынша 753 кепілдік ұсынылған.

Былтыр ауыл шаруашылығы саласында 250 өндіріс ашылды

Айта кету керек, «Кең дала 2» бағдарламасы бойынша өтінімдерді қабылдау өткен жылдың 1 қазанында басталған. Бұл бастама Мемлекет басшысының көктемгі дала жұмыстарын уақтылы әрі сапалы ұйымдастыру жөніндегі тапсырмасын орындау мақсатында қолға алынған.

Қаржыландырудың ерте берілуі шаруаларға 2026 жылғы егіс науқанына алдын ала дайындалуға мүмкіндік жасап отыр. Бөлінген қаражат ең алдымен жанар-жағармай материалдарын тиімді бағамен сатып алуға, минералды тыңайтқыштар алуға, ауыл шаруашылығы техникасын жөндеуге және сапалы тұқым қорын қалыптастыруға бағытталады.

Жеңілдетілген қаржы тек көктемгі егіс жұмыстарына ғана емес, сонымен бірге орақ науқанына дайындық пен маусымдық шығындарды өтеуге де пайдаланылуы мүмкін. Қаржыландыру «Аграрлық несие корпорациясы» АҚ-ның филиалдық желісі және ел бойынша серіктес қаржы институттары арқылы жүзеге асырылады.

Ауыл шаруашылығы өнімін қайта өңдеу үлесі жыл соңына дейін 70%-ға жетеді

Соңғы жаңалықтар

Қысқы Паралимпиада аяқталды: Қазақстан жалпы есепте қандай нәтиже көрсетті?

Олимпиада • Бүгін, 10:37

«Қайрат» клубы «Ақтөбемен» ойнайды: Стадион маңында қауіпсіздік күшейтіледі

Заң мен Тәртіп • Бүгін, 10:27

Елена Рыбакина әлемнің екінші ракеткасы атанды

Теннис • Бүгін, 10:12

Көктемгі егіс науқаны: Биыл қанша фермер жеңілдетілген несие алды?

Шаруашылық • Бүгін, 10:10

«Оскар-2026» сыйлығының жеңімпаздары анықталды

Кино • Бүгін, 10:00

Қай өңірлерде жол жабық тұр?

Ауа райы • Бүгін, 09:47

Еліміздің басым бөлігінде тұман және көктайғақ болады

Ауа райы • Бүгін, 09:35

Бүгін 1 долларды қанша теңгеге сатып алуға болады?

Қаржы • Бүгін, 09:33

Шетелдегі барлық референдум комиссиясы жұмысты аяқтады

Референдум • Бүгін, 09:12

Бірліктің жоғары көрсеткіші

Референдум • Бүгін, 08:50

Байқаушы миссиясы: Ауқымды жұмыс атқарылды

Референдум • Бүгін, 08:40

Халықаралық байқаушылардың бағасы

Референдум • Бүгін, 08:30

Ақпаратты жедел таратты

Референдум • Бүгін, 08:20

Айман мен Шолпанның тілегі

Референдум • Бүгін, 08:10

Университет ұлттық киімді ұлықтады

Аймақтар • Бүгін, 08:03

Барлық жаңалықтар