Көлік ғылымдары мен технологияларының институты құрылады

Кез-келген саланы ғылымсыз дамыту мүмкін емес. 

Сол себепті Қазақстанда көлік ғылымдары мен технологияларының алғашқы институты ашылады. Оқу орны Ұлттық ғылым академиясы жанынан құрылады. Институт саладағы іргелі және қолданбалы ғылыми зерттеулерді жүзеге асыратын мамандандырылған ғылыми орталық ретінде жұмыс істейді. Көлік жүйесін дамытуға арналған ғылыми-техникалық негіздемелерді әзірлеуге, транзит пен логистиканың тиімділігін арттыруға және инфрақұрылымның беріктігі мен ұзақ мерзімділігін қамтамасыз етуге басымдық береді. Сондай-ақ инновациялық материалдар мен технологияларды енгізіп, көлік нысандарын әртүрлі жол-климаттық жағдайларға бейімдейді. Мамандардың айтуынша, бұл бастама Қазақстанның көлік жүйесінің бәсекеге қабілеттілігін арттыруға бағытталған толыққанды инновациялық экожүйеге айналады. Алғашқы институт көлік саласының ғылыми негізін қалап, елдің транзиттік және логистикалық әлеуетін нығайтудағы, ғылымды нақты экономикамен біріктіру жолындағы маңызды қадам болады.