КҚК ға жасалған соққыларды қолдаған жазбаларға сараптама тағайындалды

Қазақстанда әлеуметтік желілерде Каспий құбыр консорциумының (КҚК) нысандарына жасалған соққыларды қолдаған жазбалар мен пікірлерге психологиялық-филологиялық сараптама тағайындалды. Бұл туралы вице-премьер Аида Балаева мәлімдеді, деп жазады Nege.kz. 

Оның айтуынша, 2025 жылғы 17 желтоқсанда Астана қаласының полиция департаменті Қылмыстық кодекстің 174-бабы — «әлеуметтік, ұлттық алауыздықты қоздыру» бойынша қылмыстық іс қозғаған. Бұған әлеуметтік желілерде КҚК-ға жасалған шабуылды қолдайтын жарияланымдардың таралуы себеп болған.

Қазіргі уақытта сотқа дейінгі тергеп-тексеру аясында аталған пікірлерді жариялаған тұлғалар анықталып жатыр. Тергеу барысында бұл әрекеттерді ҚК-нің 175-бабы (мемлекеттік опасыздық) және 256-бабы (терроризмді насихаттау) бойынша саралауға негіз жоқ екені белгілі болған.

Тергеу барысы Ішкі істер министрлігінің бақылауында. Айта кетейік, 2025 жылдың қараша айының соңынан бері мұнай құбырлары мен экономикалық қауіпсіздік үшін маңызды инфрақұрылым нысандарына жасалған шабуылдарды қолдауға болмайтыны туралы 2,7 мыңнан астам материал мен жазба жарияланған.

Бүгін, 15:47