Маңғыстауда 13 14 жастағы оқушы қыздар бір бірін асқан қатыгездікпен ұрып соққан

Оқиға Мұнайлы ауданында болған. Оқушы қыздардың төбелесі бейнеленген видео әлеуметтік желіде таралып кеткен, – деп хабарлайды Аikyn.kz. Бұл туралы Cenzura Aktau Instagram парақшасы жазды.

Кадрлардан олардың жерде арпалысып, шаштарынан жұлып жатқанын көруге болады. Біраз сәттен кейін тағы үш қыз келіп, жанжалды ушықтыра түседі. Оқиғаның нақты уақыты мен себебі әзірге белгісіз. Алайда видеодағы орын Басқұдық елді мекеніндегі №9 орта мектеп аумағына ұқсайтынын жазады парақшада. 
Десе де, Полиция департаменті қатысушыларды анықтаған. Төбелескен қыздардың 2011, 2012 және 2013 жылы туған жасөспірім екені анықталып, олар ата-аналарымен бірге полицияға жеткізілген.

– Кәмелетке толмағандардың ата-аналарына өз балаларының тәрбиесі мен оқуы бойынша міндеттерін тиісінше орындамағаны, олардың мінез-құлқына тиісті бақылау жасамағаны және құқықбұзушылыққа жол бергені үшін әкімшілік жауапкершілік жүктелді. Оқиға бойынша материал жасақталып, кәмелетке толмағандар ісі жөніндегі комиссияға жолданатын болады. Қазіргі уақытта барлық қажетті тергеу әрекеттері жүргізіліп жатыр, – делінген хабарламада.

Сонымен қатар осы оқиғаға қатысы бар барлық тұлға профилактикалық есепке қойылған.

Посмотреть эту публикацию в Instagram

Публикация от Цензура Актау (@cenzura_aktau)