Маңғыстаулық әйел 23 жылдан бері құжат пен азаматтық ала алмай жүр

Маңғыстауда ешқандай құжаты жоқ әйел мектепте, колледжде оқып, тұрмысқа шығып, бала туғаны анықталды, - деп хабарлайды Tengrinews.kz тілшісі КТК телеарнасына сілтеме жасап.

Маңғыстауда ешқандай құжаты жоқ әйел мектепте, колледжде оқып, тұрмысқа шығып, бала туғаны анықталды, - деп хабарлайды Tengrinews.kz тілшісі КТК телеарнасына сілтеме жасап.

23 жастағы Жаңылсын Сүгіралиева әлі күнге дейін жеке куәлік пен Қазақстан азаматтығын ала алмай жүр. Себебі оның туу туралы куәлігі жоғалды делінеді. Құжатты отбасылары Түрікменстаннан көшіп келгеннен кейін, 2000-жылдардың басында таба алмаған.

"Колледжді бітіргеннен кейін маған диплом берілмеді. "Алдымен құжаттарыңды әкел" деді. Мен АХАТ-қа (ЗАГС) жүгіндім, Түрікменстанға құжат сұратып өтініш жасадым, бірақ ол жақтан да мен тіркелмегенмін деген анықтама келді. Енді не істерімді білмеймін", - дейді әйел.

Қазір Жаңылсын 23 жаста және басқа құжаттармен қатар азаматтықты рәсімдей алмай отыр. Жақында ана атанған. Құжаттың жоғы енді оның ұлына да қиындық туғызды: баласына туу туралы куәлік берілмей отыр.

Әйелдің айтуынша, тек 2024 жылы ол сот арқылы өзінің туу туралы куәлігін қалпына келтіре алған. Алайда бұл азаматтық алуға көмектеспеген. Жаңылсын медициналық көмекке жүгіне алмайды әрі жұмысқа орналаса алмайды.

Әйел қоғамдық белсенділер мен шенеуніктерден құжаттарын рәсімдеуге көмектесуді сұрап жүгінген.

"Қазір оған әрі қарай қалай әрекет ету керегі және қандай құжаттар қажет екені түсіндірілді. Алдымен ол азаматтығы жоқ тұлға құжаттарын алуы керек. Содан кейін қайта өтініш беріп, Қазақстан азаматтығын рәсімдей алады", - деді Маңғыстау облысы ПД көші-қон қызметі басқармасы басшысының міндетін атқарушы Нұрсұлтан Нұрасылов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News