Тірі адамды қайтыс болды деп тіркеген: Ақмола облысында зейнеткер екі айдан бері зейнетақысын ала алмай жүр

Туыстарының айтуынша, Астана қаласы әкімдігінің «Көпсалалы медициналық орталығы» басқа адамның қайтыс болуын тіркеу кезінде қателесіп, зейнеткердің ЖСН-ын жазып жіберген. Соның салдарынан оның атына қате түрде өлім туралы куәлік рәсімделген.

Бұл қателіктің салдары зейнеткерге ауыр соққы болған. Әйел екі айдан бері өзіне тиесілі зейнетақысын ала алмай отыр.

Павлодарда тірі адам қайтыс болғандар тізіміне енгізіліпті

Жалғыз табыс көзінен айырылған зейнеткердің азық-түлік, дәрі-дәрмек сатып алуға және күнделікті шығындарын өтеуге мүмкіндігі қалмаған.

Отбасының айтуынша, мәселені түзетуге бағытталған әрекеттер әзірге нәтиже бермеген. Медициналық мекеме телефон қоңырауларына жауап бермейді немесе «күтіңіздер» деген жауаппен ғана шектеледі.

Алматы облысының тұрғыны 9 жылдан бері өлілер тізімінде болған

Туыстары қызметтік тексеріс жүргізіп, деректердің қалай ауысып кеткенін анықтауды, кінәлілерді жауапкершілікке тартуды және зейнеткерге қатысты құқық бұзушылықтарды, соның ішінде төленбей қалған зейнетақысын толық қалпына келтіруді талап етіп отыр.

Бұл оқиға мемлекеттік органдардағы деректермен жұмыс істеу кезінде жіберілетін қателіктердің азаматтардың өміріне қаншалықты ауыр әсер етуі мүмкін екенін тағы бір мәрте көрсетті. Қазір зейнеткер мемлекеттік органдарға өзінің тірі екенін дәлелдеуге мәжбүр.