Маңызды әрі ерекше мәнге ие : сарапшылар Тоқаевтың Ресейге сапары туралы не деді

АСТАНА, 12 қараша — Sputnik. Қазақстан президенті Қасым-Жомарт Тоқаевтың Ресейге мемлекеттік сапары жалғасып жатыр.

Сарапшылардың айтуынша, Қазақстан президентінің бұл сапары шын мәнінде айрықша әрі тарихи маңызы бар оқиға болып отыр. Ол Қазақстан-Ресей қатынасын нығайту тұрғысынан ғана емес, жалпы еуразияның күн тәртібі үшін де үлкен маңызға ие, деді саясаттанушы Әлібек Тәжібаев.

Мысал ретінде ол Тоқаевтың білім алған оқу орны – Мәскеу мемлекеттік халықаралық қатынастар институтына (МГИМО) барғанын атап өтті. Президентті студенттердің қазақ тілінде сөйлегені ерекше қуантқан.

© Photo : АкордаҚасым-Жомарт Тоқаевтың Мәскеу институтының студенттерімен кездесуі

Қасым-Жомарт Тоқаевтың Мәскеу институтының студенттерімен кездесуі

© Photo : Акорда

"Бұл Ресей Федерациясының жетекші жоғары оқу орындары Қазақстанмен қарым-қатынасқа аса ыждаһаттылықпен және құрметпен қарайтынын көрсетеді. Демек жетекші дипломатиялық оқу орнында Қазақстан бойынша жаңа буын мамандары қалыптасып келеді. Біз өзара дипломатиялық байланыстарымыз үнемі нығая береді деп сенеміз", — деді Тәжібаев.

Саясаттанушы сондай-ақ Тоқаевтың "Российская газета" басылымында жариялаған мақаласына да пікір білдірді. Оның айтуынша, мұндай бірлескен сапарлар кезінде материал жариялау өте маңызды дәстүр.

© Sputnik / Санат ИмангалиевӘлібек Тәжібаев

Әлібек Тәжібаев

© Sputnik / Санат Имангалиев

"Өткен жылы да, Путин Қазақстанға келгенде, осындай мақала жарияланған болатын. Менің ойымша, ірі, жүйелі бұқаралық ақпарат құралдарында жарияланатын осындай материалдардың маңызын төмендетуге болмайды. Ол (Тоқаев - ред.) біздің қарым-қатынасымызды нығайтудағы бірқатар маңызды мәселеге назар аударды. Ашық айтқанда, көптеген жайтқа нүкте қойды", — деді сарапшы.

11 қарашада Қасым-Жомарт Тоқаев пен Владимир Путиннің бейресми кездесуі болды. Ресей президенті Қазақстан басшысына Кремльдегі өзінің пәтерін көрсеткен. Бұған дейін Путин өзінің баспанасына Си Цзиньпинді ғана шақырған.

© Photo : АкордаҚасым-Жомарт Тоқаев пен Владимир Путин Мәскеуде бейресми кездесу өткізді

Қасым-Жомарт Тоқаев пен Владимир Путин Мәскеуде бейресми кездесу өткізді

© Photo : Акорда

"Бұл да Владимир Владимировичтің Қазақстан-Ресей қарым-қатынасына өте мұқият және құрметпен қайрайтынын көрсетті. Бұл – үлкен сенім мен үлкен мәртебе. Осылай сипаттауға болады", — деп түйіндеді Тәжібаев.