Үлкен мәнге ие мемлекеттік сапар

Әзербайжан президентінің мемлекеттік сапары үлкен мәнге ие. Стратегиялық серіктестік пен одақтастық қатынастарды одан әрі дамыту тұрғысынан маңызды оқиға. Екеуара әңгімеде Қасым-Жомарт Тоқаев осылай деді.

Ол Ильхам Әлиевтің көшбасшылығының арқасында Әзербайжанның халықаралық аренадағы абырой-беделі елеулі түрде артқанын айтты. Әріптесінің ілтипатына көрші ел басшысы ризашылығын білдіріп, Қазақстандағы реформаны құптап, қоғамдық-саяси жағдайдың тұрақтылғы және экономикалық дамудың қалыпты екеніне тоқталды. Жоғары мемлекетаралық кеңес отырысы барысында серіктестіктің алдағы қадамдары айқындалмақ. Мемлекеттер басшылары барлық саланы бағамдап, бағдар түзетінін жеткізді. Аймақтық әрі халықаралық күн тәртібіндегі өзекті мәселе де назардан тыс қалмады.