Маңызды заң жобаларын қоғамдық талқылауға шығару керек Президент

Президент Қасым-Жомарт Тоқаев маңызды заң жобаларын сарапшылар мен жауапты белсенділердің қатысуымен талқылауға шығару қажет екенін мәлімдеді. Бұл туралы Мемлекет басшысы Парламент палаталарының бірлескен отырысында Құрылтайдың болашақ жұмысы мен электрон парламентті дамыту туралы айта келе мәлімдеді, - деп хабарлайды Tengrinews.kz.

Президент Қасым-Жомарт Тоқаев маңызды заң жобаларын сарапшылар мен жауапты белсенділердің қатысуымен талқылауға шығару қажет екенін мәлімдеді. Бұл туралы Мемлекет басшысы Парламент палаталарының бірлескен отырысында Құрылтайдың болашақ жұмысы мен электрон парламентті дамыту туралы айта келе мәлімдеді, - деп хабарлайды Tengrinews.kz.

Тоқаевтың айтуынша, бұл өте маңызды, өйткені Қазақстанның жаһандық бәсекеге қаншалықты дайын екені осыдан көрінеді.

"Құрылтай технологиялық прогрестің жетекші факторы болады деп үміттенемін", - деді Президент.

Мемлекет басшысы былтыр қазанда өткен Парламенттік реформа жөніндегі жұмыс тобының алғашқы отырысында толыққанды e-Parliament жүйесін енгізу мәселесін көтергенін еске салды.

"Қазақстан e-Government, яғни Электрондық үкіметтің даму деңгейі бойынша жаһандық рейтингте әлемдегі үздік 25 елдің қатарына кірді. Енді Электрондық Парламентті қалыптастыруға және дамытуға көп күш-жігер жұмсауымыз қажет", - деді Тоқаев.

Президенттің айтуынша, жаңадан сайланған депутаттар заң шығару ісінде болжамды сараптамаға, Үлкен дерекқорды басқару арқылы кез келген шешімнің экономикалық салдары мен әлеуметтік тәуекелдерін модельдеуге баса мән беруі керек.

"Маңызды заң жобаларын сарапшылармен және жауапты қоғам белсенділерімен бірге талқылаған жөн. Цифрлық құралдарды пайдалану қажет. Бұл пікірталасқа қатысушылар санын көбейтіп, мәселені нағыз қоғамдық талқыға салуға мүмкіндік береді", - деп қадап айтты Мемлекет басшысы.

Google News арқылы жаңалықтарымызды қадағалаңыз