Мектеп формасын сатып алу Оқу ағарту министрлігі ата аналарға үндеу жасады

Қазақстанда мектептер ата-аналарды форманы белгілі бір өндірушіден немесе нақты дүкеннен сатып алуға мәжбүрлеуге құқылы емес. Бұл туралы Үкіметте өткен брифингте Оқу-ағарту вице-министрі Шынар Ақпарова ескертті, деп хабарлайды Tengri Education.

Ақпарованың айтуынша, Қазақстанда міндетті мектеп формасына қойылатын ортақ талап бар. Бұл ретте киімнің үлгісі мен түсін әр мектеп ата-аналармен немесе нақты мектептің қамқоршылық кеңесімен бірлесіп айқындайды.

"Ата-аналар өндірушіні өздері таңдайды. Білім беру ұйымдарына қандай да бір нақты өндірушіні ұсынуға рұқсат етілмейді - бұл ата-аналардың еркінде", - деді вице-министр.

Егер директор немесе мұғалім форманы белгілі бір сатушыдан сатып алуды талап етсе, ата-аналар білім беру саласындағы сапаны қамтамасыз ету жөніндегі аумақтық департаментке немесе тікелей Оқу-ағарту министрлігіне жүгіне алады.

"Біз міндетті түрде тиісті шаралар қолданамыз, себебі бұйрықта мұндайға жол берілмейтіні нақты көрсетілген. Мұндай жағдайда басшының жауапкершілігі қаралады", - деп атап өтті Ақпарова.

2026 жылдың шілдесінде Алматы облысы Қарасай ауданындағы мектеп-гимназия оқушыларының ата-аналары форманың өзгеруі мүмкін екеніне және оны белгілі бір дүкеннен сатып алу туралы ұсынысқа шағымданды.

Облыстық білім басқармасы жаңа форма бекітілмегенін мәлімдеп, ата-аналарды нақты бір өндірушіден, брендтен немесе белгілі бір сауда нүктесінен сатып алуға мәжбүрлеуге тыйым салынғанын еске салды.

“Менің ұлым қызғылт түсті киім кимейді“: Алматы іргесінде мектеп формасы ата-аналар наразылығын тудырды

2025 жылы қазақстандықтар міндетті мектеп формасын алып тастау туралы петиция жариялады. Ата-аналардың бірі мектептің киім үлгісін ғана емес, дүкенді де белгілеп бергенін, салдарынан екі балаға арналған киім жиынтығы жейделерді есептемегенде отбасына шамамен 130 мың теңгеге түскенін айтты.

Тағы оқыңыз: Қазақстандағы мектеп формасы: ата-аналар нені білуі керек?

Google News арқылы жаңалықтарымызды қадағалаңыз