Месси 5 айлық Ямалды шомылдырған: Әлеуметтік желіде тарихи сурет тарады

Фото: instagram.com / Joan Monfortя

Аталған сурет 2007 жылдың желтоқсанында ЮНИСЕФ пен «Барселона» қоры ұйымдастырған қайырымдылық күнтізбесіне арналған фотосессия кезінде түсірілген. Ямалдың отбасы түсірілімге қатысу мүмкіндігін кездейсоқ ұтып алған. Ал бес айлық сәбиді жеребе бойынша сол уақытта әлемдік футболда таныла бастаған жас Лионель Мессиге сеніп тапсырған.

Әлеуметтік желі қолданушыларының көп бөлігі жылдар бойы бұл суретті фотомонтаж немесе жасанды интеллектінің көмегімен жасалған деп санаған. Алайда фотограф Жоан Монфорт суреттің түпнұсқа екенін бірнеше рет растаған. Оның айтуынша, бұл – сол кезде ешкім мән бермеген кездейсоқ кездесу.

ӘЧ-2026: Испания құрамасы Францияны ұтып, финалға жолдама алды

Ламин Ямалдың өзі де ұзақ уақыт бойы бұл суреттің бар екенін білмегенін айтқан. Кейін фотосурет әлеуметтік желілерде қайта кең тарап, жанкүйерлер жас испандық футболшыны Мессимен жиі салыстыра бастады. Дегенмен Ямал аргентиналық шабуылшыны футбол тарихындағы ең ұлы ойыншы деп санайтынын, алайда өз мансабын өз жолымен қалыптастырғысы келетінін бірнеше рет мәлімдеген.

Енді тағдыр оларды тағы да тоғыстырды. Бірақ бұл жолы фотоаппарат объективінің алдында емес, әлемдік футболдың басты сахнасында – 2026 жылғы әлем чемпионатының финалында. Онда Месси бастаған Аргентина құрамасы мен Ямал өнер көрсететін Испания құрамасы әлем чемпионы атағы үшін бақ сынайды.

Месси әлем чемпионатында жаңа рекорд орнатты

2026 жылғы футболдан әлем чемпионатының финалы Аргентина мен Испания құрамалары арасында 19 шілдеден 20 шілдеге қараған түні өтеді. Қазақстан жанкүйерлері үшін матч 20 шілде күні Астана уақытымен сағат 00:00-де басталады.

Финалға дейінгі жолда Испания құрамасы Францияны 2:0 есебімен сенімді жеңсе, Аргентина Англияны тартысты кездесуде 2:1 есебімен ұтты. 

Аргентина камбэк жасап, әлем чемпионатының финалына жолдама алды