Михаил Ломтадзе тің Қазақстанда жасалған жаңа сервистерін таныстырды

Kaspi.kz-тің әрбір таныстырылымы – болашаққа жасалған қадам. Бұл кеш те Қазақстанда жасалған технологиялардың күнделікті өмірді қалай өзгертіп жатқанын тағы бір мәрте көрсетті.  

Басты жаңалық – Kaspi Alaqan сервисі. Басты жаңалық – Kaspi Alaqan. Бұл Kaspi.kz компаниясының өз әзірлемесі – алақанды терминалға тигізу арқылы төлем жасау тәсілі. Картасыз, телефонсыз. Kaspi Alaqan арқылы Kaspi банкоматта жеке тұлғаны растауға да болады.

Kaspi атау ретінде сервистің мәнін дәл жеткізетін қарапайым әрі түсінікті сөзді таңдаған. «Алақан» – адамның алақаны дегенді білдіреді.

Бұл технология қарапайым және қорғаныс деңгейі тіпті клиенттерге таныс, күн сайын миллиондаған пайдаланушылардың Kaspi.kz қосымшасына, Kaspi банкоматтар мен Kaspi Картоматтарға қауіпсіз кіруін қамтамасыз ететін Kaspi ID-ден де жоғары. 

Алақанмен төлеу мүлде қауіпсіз: әр адамның алақаны бірегей, ал Kaspi Alaqan осы ақпаратты шифрланған цифрлық кодқа айналдырады, кейін ол Kaspi дерекқорында сақталады, ол  клиентті сәйкестендіруге мүмкіндік береді. 

Алақан арқылы алғашқы төлемді сахна төрінде аралас жекпе-жек шебері, «Қазақстанда жасалған» кампаниясының кейіпкері Шавкат Рахмонов жасады. Kaspi Alaqan желтоқсан айында Алматыда, кейін бүкіл ел аумағында іске қосылады.

Михаил Ломтадзе сонымен қатар кәсіпкерлер үшін тағы екі сервисті ұсынды. 

Kaspi AI – Kaspi Магазин серіктестері үшін жасалған интеллектуалды көмекші. Ол тауар карталарын құруға көмектеседі: әдемі суреттерді жасайды, сипаттамаларды толтырады және мәтін ұсынады. Бұрын сағаттар алатын жұмысты енді бірнеше минутта орындауға болады. Соңғы шешім әрқашан серіктестің өзінде қалады. Kaspi AI 2026 жылдың қаңтарында іске қосылады.

 «Сыртқы жарнама» құралы серіктестерге Instagram мен Facebook, Google және TikTok-та тауарларын жарнамалауға мүмкіндік береді. Сервис Kaspi Магазин серіктестері үшін осы қараша айында іске қосылады. 

 «Біздің миссия – өмірді жеңілдететін инновациялық сервистерді жасау. Біздің әрбір қызметіміз талантты командамызбен Қазақстанда, махаббатпен, әрбір бөлшегіне дейін мұқият жасалған. Біздің мақсат сервистерді клиенттеріміз бен серіктестерімізге ұнайтын және пайдалы қылу.  Әрбір клиентіміз бен мен серіктесімізге бізбен бірге болғаны үшін алғыс айтамыз», – деді Михаил Ломтадзе.