Миллиондаған қазақстандықтардың төлқұжаттары сатылымға шығарылды ма? ІІМ не анықтады

Ішкі істер министрлігі қазақстандықтардың жеке деректері сатылып жатқаны туралы ақпаратты тексеріп жатыр. Ведомство бүгінде eGov порталына рұқсатсыз кіру фактілері тіркелмегенін мәлімдеді, деп хабарлайды Tengrinews.kz Polisia.kz-ке сілтеме жасап.

ІІМ мәліметінше, деректерді сату туралы хабарландырудың пайда болуы назардан тыс қалған жоқ. Қазір құқық қорғау органдары хабарландыруды жариялаған адамды, сондай-ақ ұсынылған деректердің қайдан шыққанын анықтап жатыр.

Сонымен қатар жеке ақпаратты заңсыз алуға және таратуға қатысы болуы мүмкін тұлғалар анықталып жатыр.

Ведомство азаматтардың жеке деректерін қорғау конституциялық кепілдік екенін атап өтті. Қазақстан Конституциясының 21-бабына сәйкес, жеке деректерді заңсыз жинауға, өңдеуге, сақтауға және пайдалануға, оның ішінде цифрлық технологияларды қолдану арқылы тыйым салынады.

ІІМ ықтимал заңбұзушылыққа қатысы бар барлық адамды анықтау үшін қажетті шаралар қабылданып жатқанын мәлімдеді. Тексеру жұмыстары ведомствоның ерекше бақылауында.

ҚАЗІР ТАЛҚЫЛАНЫП ЖАТЫР

Алматыда Яссауи көшесінің бір бөлігі уақытша жабылады

Кеше 18:39 1

15 миллион қазақстандықтың паспорты мен телефон нөмірі желіде тарап кеткені рас па? Министрлік жауабы

Кеше әлеуметтік желілерде белгісіз хакер даркнетте 15 миллион қазақстандық туралы дерекқорды сатылымға шығарғаны туралы ақпарат тарады. Файлдың көлемі шамамен 2,7 гигабайтты құрайтыны, ал ондағы жазбалардың жалпы саны 47 миллион жолға жететіні айтылды.

Желідегі хабарламаға сәйкес, сатушы дерекқорды 0,5 биткоинге (шамамен 32 мың доллар) бағалаған. Онда азаматтардың дербес және байланыс деректері, соның ішінде паспорттық мәліметтері, телефон нөмірі, электрондық пошта мекенжайы, жұмыс орны туралы ақпарат, құжаттардың сканерленген нұсқалары мен құпиясөздер бар екені айтылған еді

Анықтама: Даркнет - бұл әдеттегі іздеу жүйелері арқылы қолжетімді емес және арнайы бағдарламалық қамтамасыз етуді қажет ететін интернеттің жасырын бөлігі. Анонимділік деңгейі жоғары болғандықтан, мұнда заңсыз сауда алаңдары мен басқа да құқыққа қайшы ресурстар жиі орналасады.

Google News арқылы жаңалықтарымызды қадағалаңыз