Наурыз ипотекасы: алғашқы үйге тиімді шартпен несие рәсімдеуге болады

2025 жылғы 3 қарашадан бастап Қазақстанда «Наурыз» жаңа мемлекеттік жеңілдетілген ипотека бағдарламасы ресми түрде іске қосылды.
Бағдарлама аясында қазақстандықтар алғашқы баспанасын небәрі 10% бастапқы жарнамен және жылдық 7%-дан басталатын мөлшерлемемен рәсімдей алады.

Өтінім қабылдау мерзімі – 2025 жылғы 3 қарашадан 1 желтоқсанға дейін. Өтініштер тек онлайн форматта Baspana Market порталы арқылы қабылданады.

Бағдарламаға:

«Отбасы банкінің» салымшылары (депозитінде кемінде 2 млн теңге болуы керек);

Соңғы 5 жылда өзінде және отбасы мүшелерінде тұрғын үйі болмаған азаматтар;

18 бен 63 жас аралығындағы қазақстандықтар қатыса алады.

Бастапқы жарна:

10% – таза әрлеудегі жаңа пәтерлерге;

20% – екінші нарықтағы немесе қарапайым әрлеудегі тұрғын үйге.

Пайыздық мөлшерлеме:

7% (ЖТСМ – 7,1%) – әлеуметтік осал топтарға;

9% (ЖТСМ – 9,4%) – өзге қатысушыларға.

Қарыз сомасы:

Аймақтарда – 30 млн теңгеге дейін;

Астана мен Алматыда – 36 млн теңгеге дейін.

Несие мерзімі: 19 жылға дейін.

Астана, Алматы және облыс орталықтарында – тек жаңа тұрғын үй (құрылыс компаниясынан);

Моноқалалар мен ауылдарда – жаңа да, екінші нарықтағы тұрғын үй сатып алуға болады.

Барлық тұрғын үй таңдау және өтінім беру рәсімі Baspana Market платформасы арқылы жүргізіледі.