Назарбаев: Мен Қасым Жомарт Тоқаевқа таңдау жасадым және бұл таңдауым ешқашан өзгермейді

АСТАНА, 15 наурыз – Sputnik. Қазақстанның Тұңғыш президенті Нұрсұлтан Назарбаев елде жүргізіліп жатқан саяси реформаларға қатысты өз пікірін білдірді.

Тұңғыш президент мемлекет басшысы өкілеттігінен осыдан жеті жыл бұрын өз еркімен кеткенін еске салды. Оның айтуынша, бұл шешім елдің тұрақты дамуы мен билік сабақтастығы жалғасуы үшін қабылданған.

"Уақыт тоқтамайды. Буын алмасады. Әр буын Қазақстанның тәуелсіздігін нығайтуға өз үлесін қосуы тиіс. Біздің заман өкілдері тәуелсіздікті жариялап, шекараны белгілеп, елорданы тұрғызу арқылы өз міндетін орындады деп есептеймін", - деді Назарбаев.

Ол қазір Қазақстанды одан әрі нығайтып, оның беделін көтеру қажет екенін айтты.

"Бұл бағытта аз жұмыс істеліп жатқан жоқ, соның ішінде мен қолдап отырған бүгінгі референдумның да маңызы зор. Өз уақытында мен Қасым-Жомарт Тоқаевқа таңдау жасадым және бұл таңдауым ешқашан өзгермейді. Осы Конституция Қазақстанымыздың игілігіне, халқымыздың берекесіне қызмет етсін деп тілеймін", — деп түйіндеді Назарбаев.

Еске салайық, Нұрсұлтан Назарбаев бүгін Астана қаласындағы №228 сайлау учаскесіне барып, референдумда дауыс берді.