Нью Йорк прокуроры Летиция Джеймсқа қылмыстық айып тағылды

Нью-Йорк штатының бас прокуроры Летиция Джеймсқа федералдық заңдар бойынша қылмыстық айыптар тағылды. Бұл шешімді Вирджиния штатының шығыс округінде үлкен жюри қабылдаған, деп хабароайды BBC News Русская служба.

Айыптау құжаттарына сәйкес, Джеймс Норфолкте үш жатын бөлмелі үй сатып алып, оны екінші тұрғын үй ретінде көрсету арқылы арнайы ипотека алған. Алайда прокурорлар оның үйді жалға беріп, инвестициялық мақсатта пайдаланғанын айтады. Бұл жалған мәлімет оған 18 933 доллар үнемдеуге мүмкіндік берген деп саналады.

Федералдық прокурор Линдси Халлиган айыптау жағында, егер Джеймс кінәлі деп танылса, әр айып бойынша 30 жылға дейін бас бостандығынан айыру және 1 млн долларға дейін айыппұл салынуы мүмкін екенін айтты.

Летиция Джеймс өз мәлімдемесінде, Трамп құқықтық жүйені саяси қысым құралы ретінде пайдаланатынын айтып, айыптаулардың негізсіз екенін мәлімдеді:

«Мен тек өз жұмысымды орындадым, ал президенттің айыптаулары – тек саяси кек алу» – деді Джеймс.

Айыптаушы Халлиган бұл істің «қолға алынған қылмыс және қоғамдық сенімге ауыр соққы» екенін атап өтті.

Еске салсақ, 2022 жылы Джеймс Трампқа қатысты алаяқтық ісін бастаған, сол бойынша сот Трампты құжаттарды бұрмалау арқылы ипотека жағдайларын жақсартты деп таныған. Трамп кінәсін мойындамағанымен, 2024 жылы Нью-Йорк соты оған 500 млн доллар төлеуді міндеттеген. Апелляциялық сот айыппұлды тым жоғары деп алып тастаса да, оның алаяқтыққа қатысы бар екені расталған.

Бұған дейін де Трампқа қарсы саясаткерлерге қатысты істер басталған. Мысалы, бұрынғы ФБР директоры Джеймс Комиге екі қылмыстық бап бойынша айып тағылған. Бұл айыптар 2016 жылғы сайлауға Ресей ықпал ету ісіне байланысты Коми берген мәліметтеріне қатысты.

Қазір Министрлік бұрынғы ұлттық қауіпсіздік кеңесшісі Джон Болтон мен Калифорния сенаторы Адам Шиффке қатысты тергеу жүргізіп жатыр.

Бүгін, 19:24