ОСК Құрылтай депутаттығына кандидаттар тізімін ұсынған екі партияның құжаттарын қабылдады

АСТАНА, 8 шілде – Sputnik. Қазақстанның Орталық сайлау комиссиясына (ОСК) "Ауыл" партиясы" республикалық қоғамдық бірлестігінен Құрылтай депутаттығына кандидаттардың партиялық тізімін ұсыну туралы құжаттар келіп түсті, деп хабарлады комиссия.

Ведомство мәліметінше, ОСК аталған құжаттарды "Сайлау туралы" заң талаптарына сәйкестігі тұрғысынан заңнамада белгіленген тәртіп пен мерзімде қарайды.

ОСК заңда белгіленген тәртіппен тіркелген саяси партиялардың партиялық тізім ұсыну құқығы бар екенін еске салды.

Бұған дейін комиссияға "Respublica партиясы" қоғамдық бірлестігінен де құжаттар түскені хабарланған болатын.

Құрылтай депутаттарын сайлауға дайындық пен оны өткізу жөніндегі негізгі іс-шаралардың күнтізбелік жоспарына сәйкес, партиялық тізімдерді ұсыну мерзімі 2026 жылғы 13 шілде сағат 18:00-ге дейін белгіленген.