Оскар сыйлығының иегері Дайан Китон қайтыс болды

Актрисаның өлімінің себебі белгісіз. БАҚ-тың хабарлауынша, ол бірнеше ай бойы көпшілік алдына шықпаған. Китон өткен ғасырдың 70-ші жылдары Вуди Алленмен жұмыс істей бастағанда танылды. 1977 жылы ол «Энни Холл» фильміндегі үздік әйел рөлі үшін «Оскар» сыйлығын алды.

Сондай-ақ оның үлкен еңбектерінің бірі Фрэнсис Форд Копполаның «Өкіл әке» фильміндегі Майкл Корлеоненің жұбайы Кей Адамстың бейнесі еді.

Китон сонымен қатар «Қызылдар» (1981), «Марвиннің бөлмесі» (1996) және «Ережеге бағынған және еркін махаббат» (2003) фильмдеріндегі рөлдері үшін «Оскар» сыйлығына үміткер болған.

Актриса көптеген фильмдер мен сериалдарда да ойнаған. Олардың қатарында «Дориді іздеу», «Кітап клубы», «Отбасы тасы», «Өйткені мен соны қалаймын» сияқты басқа да туындылар бар.

1996 жылы Диана Китон Декстер есімді қызды (аты Кэри Гранттың «Филадельфия тарихы» фильміндегі кейіпкердің құрметіне қойылған) асырап алған. Төрт жылдан кейін ол ұлы Дьюкты асырап алды. «Ана болу мені түбегейлі өзгертті», — деген болатын актриса сол кезде.

Осыған дейін Италия киносының аңызы Клаудия Кардиналенің өмірден өткені туралы жаздық.