Өскеменде көлік велосипедшілер колоннасын қағып кетті видео

Өскеменде жолда келе жатқан бір топ велосипедшіні жеңіл көлік қағып кетті. Әлеуметтік желілерде жол-көлік оқиғасының видеосы тарады, деп хабарлайды Tengrinews.kz тілшісі.

Өскеменде жолда келе жатқан бір топ велосипедшіні жеңіл көлік қағып кетті. Әлеуметтік желілерде жол-көлік оқиғасының видеосы тарады, деп хабарлайды Tengrinews.kz тілшісі.

Жарияланған кадрлардан жеңіл автокөліктің жол жиегімен келе жатқан велосипедшілер тобына соғылғанын көруге болады. Соққыдан кейін топтың бірнеше қатысушысы жолдың жүру бөлігіне құлаған.

Шығыс Қазақстан облыстық полиция департаменті баспасөз қызметінің мәліметінше, жол апаты 27 мамырда сағат 09:30 шамасында Ертіс өзені арқылы өтетін көпірде болған.

"Toyota Avensis автокөлігінің жүргізушісі Ертіс өзені үстіндегі көпірмен келе жатып, жолақ ауыстыру кезінде маневр қауіпсіздігіне көз жеткізбей, велосипедшілер тобын қағып кеткен. Оқиға салдарынан кәмелетке толмаған алты велосипедші медициналық көмекке жүгінді", - деп хабарлады Tengrinews.kz-ке ШҚО ПД баспасөз қызметі.

ШҚО денсаулық сақтау басқармасы баспасөз қызметінің мәліметінше, 14, 15, 16 және 17 жастағы алты велосипедші зардап шеккен.

Жасөспірімдердің барлығы түрлі жарақат алып, тексеру үшін Ана мен бала орталығына жеткізілді. Спортшылардың бірі "жабық бассүйек-ми жарақаты" алдын ала диагнозымен ауруханаға жатқызылды.

Дәрігерлер қарап болғаннан кейін бес велосипедші үйіне амбулаториялық емделуге жіберілді.

Instagram-дағы бұл жарияланымды көру

«Новый Вестник» газетінің [16+] жарияланымы (@nv.kz)

Қазіргі уақытта аталған факті бойынша тексеру жүргізіліп жатыр. Оның қорытындысы бойынша процессуалдық шешім қабылданады, деп атап өтті полициядағылар.

Екібастұзда кішкентай бала көтерген әйелді ГАЗель қағып кетті

Айта кетейік, Екібастұзда артқа қарай жүрген "Газель" жүк көлігі қолында кішкентай баласы бар әйелді қағып кетті. Жол апаты болған сәттің кадрлары әлеуметтік желілерде тарады. Видеода қолына сәбиін ұстаған жас әйел дүкен жанынан өтіп бара жатқаны байқалады. Осы уақытта оның артында жүк көлігі артқа қарай жылжып келе жатады. Жаяу жүргінші тоқтаған сәтте "Газель" оны қағып, содан кейін бірден алға қарай жүреді.