Өскемендегі өндірістік ангар өртенді, зардап шеккендер бар

Ведомство мәліметінше, өрт Аврора көшесінде орналасқан ЖШС аумағындағы жеке тұрған ангар ғимаратында болған. Алғашқы өрт сөндіру бөлімшелері жеткен кезде жалын ғимарат ішіндегі арнайы техниканы шарпыған.

Нысан қызметкерлері құтқарушылар келгенге дейін өздігінен эвакуацияланған.

Өртті сөндіру жұмыстары жарылыс қаупінің жоғары болуына байланысты күрделене түсті. Күшті жылу әсері аймағында газ және оттегі баллондары болған. Құтқарушылар оларды дер кезінде қауіпсіз жерге шығарды.

Өрт 170 шаршы метр аумақта сөндірілді. 1964 және 1972 жылы туған серіктестіктің екі қызметкеріне ТЖМ Апаттар медицинасы орталығының дәрігерлері оқиға орнында алғашқы медициналық көмек көрсетіп, кейін оларды ауруханаға жеткізді.

Айта кетейік, Ақмола облысындағы өрттен зардап шеккендерге медициналық жабдық жеткізілді.