Отырар ауданында 260 тонна мақта өртеніп кетті

Түркістан облысы Отырар ауданындағы мақта зауытында өрт шықты, – деп хабарлайды Aikyn.kz сайты.

2025 жылы 14 желтоқсан күні сағат 03:57-де Отырар ауданы, Темір ауылында мақта пунктінің ашық аумағында ауданы 360 шаршы метр аумақта жиналған мақта жанды. Жалпы салмағы – 260 тонна. Қоймада жалпы 4500 тонна мақта сақталған. Өрт сөндірушілер 4240 тонна мақтаның жануына жол бермеді. Өрт сағат 06:54-те толық сөндірілді. Зардап шеккендер жоқ. Оқиғаның шығу себебі анықталып жатыр,-делінген облыстық Төтенше жағдайлар департаменті таратқан ақпаратта.

Оқиға орнында Төтенше жағдайлар департаментінен 30 жеке құрам, 7 техника, ауыл құтқарушыларынан 3 адам, 1 техника, орман шаруашылығынан 3 адам, 1 техника және жергілікті атқарушы органнан 15 адам, 4 су тасушы техника жұмылдырылды.