Өзбекстанда қазақ капиталының үлесі артты

Өзбекстанда қазақстандық капиталмен жұмыс істейтін компаниялар қатары көбейді.

Атап айтқанда, 11 айдың ішінде біздің елдің бизнес қауымдастығы Өзбекстанда 158 кәсіпорын ашты. Осылайша, қазір ресми Ташкентте қазақстандық капиталмен жұмыс істейтін компаниялар саны 1199-ға жетті. Бұған дейін хабарлағанымыздай, Қазақстан мен Өзбекстан арасында қосымша 4 сауда дәлізі ашылуы мүмкін. Сондай-ақ Ташкентте Қазақстанның, Астанада Өзбекстанның сауда орталығы салынуы ықтимал. Еске салайық, биыл 9 айда Өзбекстан Қазақстаннан 2,4 млрд доллардың тауарын импорттады.Ұлттық статистика комитетінің 1 желтоқсандағы дерегіне сай, Өзбекстанда шетелдік капиталмен 17 900 компания жұмыс істеп тұр. Бұл ретте қытайлық кәсіпорындардың үлесі басым. 11 айда олардың қатары 1 516-ға көбейіп, жалпы саны 4 873-ке жетті.