Өзбекстанда қазақ капиталының үлесі артты

Өзбекстанда қазақстандық капиталмен 1 мың 199 компания жұмыс істеп тұр.

Ұлттық статистика комитетінің дерегіне сәйкес, кәсіпорындардың қызмет бағыттары келесідей. Ауыл шаруашылығы - 21 компания. Өнеркәсіп – 129, Құрылыс – 82, Сауда – 492, Тасымалдау және сақтау – 33, Қонақүй және қоғамдық тамақтану саласы – 39. Ақпарат және байланыс – 127. Денсаулық сақтау және әлеуметтік қызмет көрсету - 13;  Басқа да қызмет түрлерін ұсынатын компаниялар саны 263.

Жалпы айтқанда бүгінде Өзбекстанда шетелдік капиталмен жұмыс істейтін 17 мың 900 компания бар. Бұл ретте қытайлық кәсіпорындардың үлесі басым. Былтыр 11 айда олардың қатары 1 мың 516-ға көбейіп, жалпы саны 4 мың 873-ге жетті. Одан кейін 3 мың 209 компаниямен Ресей тұр. Үштікті Түркия түйіндейді. Аталған елдің кәсіпкерлері Өзбекстанда 2 мың 109 кәсіпорын құрған.  Бұған дейін хабарлағанымыздай, Қазақстан мен Өзбекстан арасында қосымша 4 сауда дәлізін ашу жоспарланған.