Песков Ресей мен Украина арасындағы тұтқын алмасу туралы айтты

АСТАНА, 19 наурыз – Sputnik. Ресей президентінің баспасөз хатшысы Дмитрий Песков Ресей мен Украина арасындағы тұтқын алмасуды ұйымдастыру жұмыстарына қатысты пікір білдірді, деп хабарлады РИА Новости.

"Бұл бағыттағы жұмыстар міндетті түрде жалғасады", - деді Песков "Известия" газетіне Ресей мен Украина арасындағы 500-500 тұтқын алмасуы және гуманитарлық көмек туралы пікір білдіре отырып.

Ресей мен Украина 5 және 6 наурызда Женева келісімдері аясында "500-500" форматында тұтқын алмасты. Швейцарияда 17-18 ақпанда келіссөздер өтіп, оған Ресей, АҚШ және Украина өкілдері қатысты.

Келіссөздерден кейін Ресей делегациясының басшысы және Ресей президентінің көмекшісі Владимир Мединский жақын арада жаңа кездесу болатынын жариялады. Украина Ұлттық қауіпсіздік және қорғаныс кеңесінің хатшысы Рүстем Умеров келіссөздерде ілгерілеушілікке қол жеткізілгенін айтты.

Песков бұған дейін Ресей Украина бойынша келіссөздердің жаңа кезеңін күтіп отырғанын, бірақ олардың орны мен уақыты "айқын себептермен" әлі анықталмағанын хабарлаған болатын.