Польша Венгриядағы сайлаудан кейін Украинаға бөлінген ЕО қаражаты қайтарылуын күтіп отыр

АСТАНА, 13 сәуір – Sputnik. Польша Венгриядағы сайлаудан кейін Украинаға бөлінген 550 миллион доллар көлеміндегі ЕО қаражатының қайтарылуын күтеді, деп мәлімдеді премьер-министрдің орынбасары және ұлттық қорғаныс министрі Владислав Косиняк-Камыш.

"Бұл жағдай Польша қару-жарақ үшін Украинаға ЕО бюджетінен жіберген 2 миллиард злотый (550 миллион доллар - ред.) жақын арада біздің отанымызға жететінін көрсетеді. Бұл қаражатты Орбан үкіметі бұғаттап келді", - деп жазды ол әлеуметтік желідегі парақшасында.

Венгрия сайлау бюросы дауыстардың 93,4%-ы саналғаннан кейін жариялаған соңғы деректерге сәйкес, Петер Мадьярдың оппозициялық "Тиса" партиясы Венгрия парламент сайлауында көш бастап, 199 орынның 138-ін иеленіп отыр.

Венгрия билігі "Тиса" билікке келген жағдайда еуропалық саясаттың жетекшілігін ұстанатынын және Брюссельдің талаптарынан, әсіресе Украинаның Еуроодаққа мүшелігі мен Киевті қаржыландыруға қатысты талаптарынан бас тарта алмайтынын бірнеше рет мәлімдеді.

Айта кетері, бүгін Виктор Орбан Венгрия сайлауындағы жеңілісін мойындады. Ол өзі жетекшілік ететін "Фидес" оппозицияда да елге қызмет етуді жалғастыратынын мәлімдеді.