Президент фастфудтың агрессивті жарнамасы мәселесін шешуді тапсырды

Президент Қасым-Жомарт Тоқаев балаларды фаст-фудтың агрессивті жарнамасынан қорғауды тапсырды. Бұл туралы Мемлекет басшысы Астанада өткен педагогтердің тамыз конференциясында мәлімдеді, деп хабарлайды Tengrinews.kz Ақордаға сілтеме жасап.

Президент Үкіметке фаст-фудтың агрессивті жарнамасына қатысты проблеманы мұқият зерделеуді тапсырды.

"Тағы бір мәселе. Фаст-фудтың агрессивті жарнамасы қаптап кетті. Тез ішіп-желінетін тағам зиянды әдет қалыптастырады, денсаулық сақтау жүйесіне салмақ түсіреді, еліміздің еңбек күші әлеуетіне теріс әсер етеді. Дәрігерлердің бақылауында қант диабетіне шалдыққан 7 мыңға жуық бала бар. Олардың саны көбеймесе, азайып жатқан жоқ. Көптеген ел құрамында май, қант және тұз мөлшері жоғары өнімдердің жарнамасына тыйым салады немесе шектеу қояды", - деді Тоқаев,

Президенттің айтуынша, бұл өте күрделі мәселе. Түрлі шетін тұстары, пікірталастарға негіз болған медициналық, тіпті саяси астары бар.

"Дегенмен Үкімет, ең алдымен, балаларымыздың саулығын ойлап, аталған проблеманың ұңғыл-шұңғылын мұқият зерделеуі керек", - деді Президент.

Тоқаев 16 жасқа толмаған балаларға әлеуметтік желілерге тіркелугетыйым салу туралы пікір білдірді

Google News арқылы жаңалықтарымызды қадағалаңыз