Пуччинидің соңғы жұмбағы: Елорда театры Турандотты жаңа қырынан көрсетті

Театр солисі Саргис Бажбеук-Меликянның айтуынша, спектакльдің техникалық мүмкіндіктері таңғалдырмай қоймайды.

Фото: Солтан Жексенбеков/Kazinform Фото: Солтан Жексенбеков/Kazinform Фото: Солтан Жексенбеков/Kazinform

Сценографиядағы экрандар мен ғарыш көріністері классикалық операға мүлдем бөтен сияқты көрінгенімен, іс жүзінде бұл шешім Пуччини музыкасының асқақтығын одан сайын аша түскен.

Фото: Солтан Жексенбеков/Kazinform Фото: Солтан Жексенбеков/Kazinform

Бұл қойылымның басты жүгі мен жауапкершілігі театрдың жетекші солисі Бибігүл Жанұзақтың иығында.

Фото: Солтан Жексенбеков/Kazinform Фото: Солтан Жексенбеков/Kazinform

Өнер иесі бұл күрделі партияның қыр-сырын меңгеру үшін ұзақ уақыт бойы ізденгенін айтады.

Фото: Солтан Жексенбеков/Kazinform Фото: Солтан Жексенбеов/Kazinform

— Мен бұл рөлге 6 жыл бойы дайындалдым десем де болады. Бұл жерде тек дауыстың мүмкіндігі аздық етеді, ең бастысы — психологиялық дайындық. Мұздай суық ханшайымның кейпін кию, оның ішкі нәзіктігін жүрекпен беру — өте үлкен еңбек. Турандот операсы соңы трагедиясыз, басты кейіпкерлердің бірге қосылуымен аяқталады. Бұл операның ерекшелігі деуге болады, өйткені Пуччинидің басқа шығармалары трагедиямен аяқталған, — дейді Бибігүл Жанұзақ.

Фото: Солтан Жексенбеков/Kazinform Фото: Солтан Жексенбеков/Kazinform

Операның тағы бір маңызды желісі — Лиу күң қыздың тағдыры. Солис Мәдина Исламова бұл кейіпкердің жан тебірентерлік тарихын бүгінгі өмірмен байланыстырады. Лиу — бір кездері Калаф ханзаданың өзіне бір рет жымиып қарағаны үшін, бүкіл өмірін құрбан етуге дайын кейіпкер.

Фото: Солтан Жексенбеков/Kazinform

— Жай ғана адамның адамға күлімсіреуі, осы жылулық оған өмірге деген күш берген. Бұл қазіргі қарбалас заманда бәрімізге де жетіспейтін дүние емес пе? — дейді ол.

Фото: Солтан Жексенбеков/Kazinform

Айта кетейік, бұған дейін «Астана Опера» театрында Ермек Серкебаевтың 100 жылдығына арналған концерттер легі басталғанын жазған едік.