Қай өңірде баспана көп сатылды статистика

АСТАНА, 10 сәуір – Sputnik. Тұрғын үйді сатып алу-сату мәмілелерінің саны 3,9% өсті, деп хабарлады ұлттық статистика бюросы.

2026 жылғы наурызда тұрғын үйді алып-сату бойынша 28 493 мәміле тіркелген, ақпанмен салыстырғанда (27 421) мәмілелер саны 3,9% өскен.

Мәмілелер саны бойынша көш бастап тұрғандар:

Алматы – 6 428

Астана – 4 924

Қарағанды обл. – 2 258

Пәтерлер бойынша барлығы 22 542 мәміле жасалды, бұл мәмілелердің жалпы санының 79,1%-ы.

"Бөлмелер саны бойынша 1 бөлмелі пәтерлер сатылымы басым болды. 2026 жылдың наурыз айында олар бойынша 8 510 мәміле рәсімделген", - деп жазылған хабарламада.

Жеке тұрғын үйлер бойынша мәмілелер саны 3,4%-ға (211 мәмілеге) азайды.