Қарағанды облысында 379 адам донорлық көмекке мұқтаж

Қарағанды облысында 379 адам донорлық трансплантацияға мұқтаж.

 Олардың ішінде 10 адамға жүрек, екі адамға өкпе және тоғыз жанға бауыр ауыстыру қажет. Науқастардың 358-і бүйрек ауруына шалдыққан. Соның алтауы бала. 2012 жылдан бері елде 3 мыңнан астам трансплантациялық операция жасалған. Науқастарға негізінен тірі донорлар көмек берген. Ал қайтыс болған адамның ішкі ағзалары тек туыстарының келісімімен пайдаланылуы мүмкін. Дәрігерлердің айтуынша, қайтыс болған бір адам жеті адамның өмірін сақтап қалады.

БЛИЦ

- Халыққа керек деп ойлаймын. Себебі трансплантация арқылы адам өмірін сақтап қалуға болады. Және адамның еңбекке деген ынтасын арттыруға болады. Біреу мүгедек болса соларға өте қажет деп ойлаймын трансплантация. Келісімімді берер едім, бірақ бұл жағдайда барлық процесс тиянақты және ашық түрде болуы керек. Адамзаттық мүдде қорғалуы керек деп ойлаймын.

- Бұл жат болып көрінеді да, бірақ өзіңнің басыңа келген кезде екі ойлы болып қаласың. Мысалы, көзбен проблема болғанда Қазақстанда көзбен транспантация жоқ. Оны тапсырыс  береді ше. Оған кезекке тұрасың. Мен ілікпей қалдым, ұзақ күтесің. 

- Транспантация деген ұғымды біздің қоғамда кеңінен таныстыру керек. Бұның не екенін барлық тұрғын бірдей білу керек. Себебі әрбір екінші тұрғын мұның нақты мақсатын, неге негізделгенін білмейді. Бұл жерде хирургиялық жағын алатын болсақ, құқықтық жағы, донор таңдау, адамгершілік жағы бар деген сияқты. Мен енді ондай жағдаймен кездескен жоқпын. Бірақ ойлаймын керек нәрсе деп.