Қарағанды облысында автобустағы жанжалдан кейін жоғалып кеткен жігіт табылды

Қарағандыға бара жатқан жолда автобус жүргізушісімен жанжалдасып қалғаннан кейін жоғалып кеткен Теміртау қаласының 20 жастағы тұрғыны табылды, - деп хабарлайды Tengrinews.kz тілшісі.

Қарағандыға бара жатқан жолда автобус жүргізушісімен жанжалдасып қалғаннан кейін жоғалып кеткен Теміртау қаласының 20 жастағы тұрғыны табылды, - деп хабарлайды Tengrinews.kz тілшісі.

Жолаушы мен автобус жүргізушісі арасындағы жанжал видеоға түсіп қалып, әлеуметтік желілерде тарап жатыр. Кадрлардан жолаушының жүргізушіден жолақысын төлеуге мүмкіндік беруін сұрап: "Өтінемін, әке" деп жүгінгенін көруге болады. Жүргізуші болса, мұны бірден жасау керек еді деп жауап береді.

Instagram-дағы бұл жарияланымды көру

@rozysk_karagandy_rinakz жарияланымынан

Еріктілердің мәліметінше, бұл видео соңғы жазба болған. Осыдан кейін ол жоғалып кеткен. Іздестіру шараларына полиция қосылды.

Облыстық Полиция департаменті баспасөз қызметінің ақпараты бойынша, жоғалған адам туралы арыз 8 сәуірде түскен. Өтініш берушілердің айтуынша, жігіт 7 сәуірде сағат 17:00 шамасында үйінен шығып кеткен. Ол Қарағандыға бағытталған маршруттық автобусқа отырған, алайда межелі жеріне жетпеген және байланысқа шығуды қойған.

"Алдын ала мәліметтер бойынша, жігітті жол бойында маршруттық автобустан түсіріп кеткен. Қазіргі уақытта оқиғаның мән-жайы анықталып жатыр. Жолаушыны түсіріп кеткен автобус жүргізушісінің іс-әрекетіне заңнамаға сәйкес құқықтық баға беріледі. Қазіргі уақытта іздестіру жұмыстары жалғасып жатыр", - деп хабарлады ведомство.

Айта кеткен жөн, жоғалған жігіттің денсаулығында ерекшеліктер бар, соған байланысты ол көмекке мұқтаж болуы мүмкін.

Кейін Қарағанды облысы Полиция департаменті баспасөз қызметі жігіттің орналасқан жері жедел-іздестіру шаралары барысында анықталғанын хабарлады.

"Полиция қызметкерлері жүргізген іс-шаралардың нәтижесінде Теміртау қаласының 20 жастағы тұрғыны анықталып, табылды. Қазіргі уақытта ол қауіпсіз жерде, болған оқиғаның барлық мән-жайы анықталып жатыр", - деп хабарлады ведомство.

Сондай-ақ полиция жолаушыны түсіріп кеткен автобус жүргізушісін жауапкершілікке тарту мәселесі қарастырылып жатқанын қосты.

Следите за нашими новостями в Google News