Қарағандыда еріктілер соғыс ардагерінің ауласын тазалап берді

Қарағандылық еріктілер соғыс ардагеріне қолғабыс етіп, үйінің ауласын қардан тазалап берді.  

«Таза Қазақстан» акциясы аясында ұйымдастырылған шарада  «AMANAT» партиясының өкілдері мен белсенді жастар Виктор Шелудяковты жаңа жылмен құттықтап, сыйлық табыстады. Қария жақында 100 -ге толды. Облыста қазір бес соғыс ардагері тұрып жатыр. Оларға құрмет көрсету парызымыз, дейді жастар.

Жолдасбек Кеңес, ерікті:

- Қарттардың үйіне келіп, осылай қар тазалап және жаңа жыл мерекесімен құттықтап, өзіміздің сый-сияпатымызды беріп, батасын алып осылай жасаймыз. Тазалық-денсаулықтың кепілі. Елімізді, жерімізді қаншалықты таза ұстасақ, ол денсаулыққа да пайда, келер ұрпаққа да қалдыратын аманат.