Ақмолалық еріктілер жалғызлікті қариялардың ауласын қардан тазалады

Ақмолалық еріктілер жалғызлікті қариялардың үйінің ауласын қардан тазалап берді.

Жыл басталғалы 100-ден астам қарт кісінің алғысын алған. Одан бөлек волонтер жастар коммуналдық мекеменің көше тазалап жүрген жұмысшыларына ыстық шай мен бауырсақ таратып шықты. Аязды күнде бойы жылынып, жұмысы жүрген жандар ризашылық білдіруде. Игі ісі жалғаса береді.

Қаладағы қар тазалау жұмыстарына 110 техника мен 100-ге жуық адам жұмылдырылды. Қыс түскелі 70 мың текше метр  қар шығарылған. Жұмысшылар бет қаратпайтын үскірік аязда да жұмысты тоқтатпайды.  Ертелі кеш жол тазалап жүрген жандарға еріктілер ыстық шай мен бауырсақ таратып, бойын  жылытты.

Башир Сүлейменов, коммуналдық мекеменің қызметкері:

- Жұмысқа сағат таңғы сегізде кірісеміз. Сосын қас қарайғанша дейін жүреміз. Қар көп кездері түңгі уақытта да жұмыс істеуге тура келеді. Қазір міне сынап бағанасы минус 30 градусты көрсетіп тұр. Осындай, суық күндері бізге осылай жылы шай беріп, жылулық сыйлаған жастарға үлкен алғысымды айтам.

Еріктілер жалғызбасты қарияларды да назардан тыс қалдырмайды. Арнайы барып, ауласын  қардан тазартып береді. Бір жағынан, бұл жұмыстар көктемгі тасқынның  алдын-алу үшін жасалып жатыр.

Анна Сергеева қала тұрғыны:

- Алғыстан басқа айтар сөзім жоқ. Мен өзім жалғыз тұрамын. Қар тазалау қиын. Міне жастар көмекке келіп, барлығын тазалап берді.

Дидар Хамзин, волонтерлерді қолдау орталығының жетекшісі:

- Жыл басынан бері Ақмола облысының барша аудандарын бұл акцияға белсене қатысып жатыр. 100-ден астам отбасының үйлері қардан тазартылды. Алдағы уақытта да жалғасады әрине. Бірақ ең басты біздің жоспарлап отырған ол көктемгі уақытта дұрыс дайындау. Яғни апатты, су тасқыны жағдайынан алшақтап, осындай мұздарды ою бойынша жұмыстар жалғасады.

Қазір өңірде 62 волонтерлік ұйым бар. Еріктілер саны төрт мыңға жуықтайды. Жауаптылардың сөзінше, жыл санап өңірде игі істерге қол ұшын созуға дайын жастардың қатары көбейіп келеді. 

Абзал Азаматұлы, Евгений Шинкаренко