Ақтөбелік жастар ретро саябақты тазалады

Ақтөбелік студенттер ретро саябақтың аумағын қоқыстан тазалап шықты.  

Жалпы қалалық жастар ресурстық орталығы жыл басынан бері  30 рет экологиялық акция ұйымдастырды. «Таза Қазақстан» республикалық экоакциясы аясында өткен сенбіліктерге 4 мыңға жуық студент қатысты. Қоғамдық орындардан 6 мың қапшық қоқыс жиналды. Жастар елдімекендерден бөлек өзен-көлдердің жағасы мен қала маңындағы тоғайларды тұрмыстық қалдықтардан тазартты.

Әлішер Садық, қалалық Жастар ресурстық орталығының басшысы:

- Бұл енді Ретропарк вокзал маңында орналасқан. Сырттан қонақтарымыз келеді, демалып отырады. Сол себептен таза болғаны жақсы деп ойлаймыз. Өзіміздің қаламыз үшін де, келген қонақтар үшін де қолайлы. «Таза Қазақстан» тек қана дала мен қаланың тазалығы ғана емес, бұл үлкен бір идеологиялық бастама. Жастарымыздың бойының, ойының, рухының тазалығы деп қабылдауымыз қажет.