​Қарашығанақ және КҚК: Энергетика министрі маңызды жобаларға қатысты мәлімдеме жасады

Энергетика министрі Ерлан Ақкенженов Қарашығанақ жобасы бойынша Қазақстан халықаралық арбитражды ұтты деген БАҚ-тағы хабарламаларға пікір білдірді, деп хабарлайды Спутник Қазақстан.

Министрдің айтуынша, БАҚ-тарда жарияланған ақпарат «жақсы әрі үміт күттіретін» болып көрінеді, алайда арбитраждық істердің құпиялығына байланысты Bloomberg жариялаған деректі нақты растай да, жоққа шығара да алмайды.

Қарашығанақ – әлемдегі ең ірі газ және мұнай кен орындарының бірі, әрі Қазақстанның энергетика секторында шешуші рөл атқарады.

Сонымен қатар Ерлан Ақкенженов КҚК инфрақұрылымындағы қалпына келтіру жұмыстары туралы айтты.

Оның сөзінше, КҚК үшін шығарылатын екі жаңа айлақ Біріккен Араб Әмірліктерінен 30 күн ішінде жеткізіліп, олардың монтажы шамамен 70 күнге созылады.

Қазіргі уақытта мұнай тиеу ВПУ-1 және ВПУ-3 айлақтары арқылы жүзеге асырылып жатыр. Ал ВПУ-2 айлағы қараша айының соңында ұшқышсыз катерлердің шабуылынан зақымданғандықтан, бөлшектеледі.

Министр еске салғандай, КҚК мұнай құбыры арқылы Қазақстан экспорттайтын мұнайдың шамамен 80 пайызы тасымалданады. Бұл оны ел үшін стратегиялық маңызы бар бағытқа айналдырады.

Бүгін, 12:04