Қазақ күресінен Азия чемпионатында Қазақстан құрамасы бас жүлдені жеңіп алды

Жарыстың соңғы күні ерлер төрт салмақта, әйелдер төрт салмақта өзара мықтыны анықтады. Атап айтсақ, бүгін ерлер арасында 60 келі салмақта Нұртілек Қаракесеков қарсыластарының барлығын қоғадай жапырып, жеңіс тұғырының ең биік сатысына көтерілді. Ал 74 келіде ел намысын қорғаған Тілек Тоқтасынұлы да қарсылатасрын оңай жеңіп, сарықұрлық чемпионы атанды. Өкінішке қарай, 90 келі салмақта сынға түскен балуанымыз Айдар Бескемпір ғана жартылай финалда қарсыласына жол беріп, қола жүлдені қанжығасына байлады.

Фото: Күнсұлтан Отарбай/Kazinform

Аса ауыр салмақта ел намысын қорғаған Қайсар Шамшидинов финалға дейін сүрінбей жетті. Ол шешуші сәтте тәжікстандық қарсыласын қапы қалдырып, Азия чемпионы атанды.

Фото: Күнсұлтан Отарбай/Kazinform

Ал әйелдер құрамасынан бүгін сынға түскен балуандарымыз арасында тек бір ғана отандасымыздың мерейі үстеп болып, сарықұрлық додасының чемпионы атанды.

Фото: Күнсұлтан Отарбай/Kazinform

Нақтырақ айтсақ, +77 келі салмақ санатында ел намысын қорғаған Арайлым Шегенова бас жүлдені еншілесе, 52 келіде Сағат Байғараева финалдық бәсекеде Өзбекстаннан келген қарсыласына жол беріп, күміс жүлдеге қол жеткізді. 60 келіде Назерке Асанхан жарысты қола медальмен аяқтады. Ал 70 келіде Ақбота Қыдырәлі финалда тағы бір өзбек қызынан ұтылып, күміс жүлдемен шектелді.

Фото: Күнсұлтан Отарбай/Kazinform

Осылайша, қазақ күресінен Азия чемпионатының соңғы күні қазақстандық балуандар 4 алтын, 2 күміс және 2 қола медаль жеңіп алды.

Естеріңізге сала кетейік, кеше Азия біріншілігінің алғашқы күні Қазақстан құрамасы 6 алтын, 2 күміс медаль жеңіп алғанын жазған болатынбыз. 

Осылайша, Қазақстан құрамасы 10 алтын, 4 күміс және 2 қола медальмен жалпы командалық есепте көш бастады. Екінші орынды Өзбекстан құрамасы еншілесе, үшінші орынға Қырғызстан құрамасы ие болды.

Фото: Күнсұлтан Отарбай/Kazinform

Екінші жарыс күнінің жеңімпаз-жүлдегерлері:

Ерлер:

60 kg

І орын – Nurtilek KARAKESSEKOV KAZ

ІІ орын – Tugol KANATBEK KGZ

ІІІ орын – Ramziddin AZIZOV TJK

74 kg

І орын – Tilek TOKTASSYNULY KAZ

ІІ орын – Pouria Asadollah SHOKRI IRI

ІІІ орын – Navruz KARIMZOD TJK

ІІІ орын – Elbek TOJIEV UZB

90 kg

І орын – Khaknazar NAZAROV TJK

ІІ орын – Seyedmohammadreza SAEEDIMADANI IRI

ІІІ орын – Dostonbek KHOLMAKHMADOV UZB

ІІІ орын – Aidar BESKEMPIR KAZ

+100 kg

І орын – Kaisar SHAMSHIDINOV KAZ

ІІ орын – Dadakhon KURBONALIEV TJK

ІІІ орын – Hamidreza Mohammadreza MALEKZADEH IRI

Әйелдер:

52 kg

І орын – Sitora ELMURODOVA UZB

ІІ орын – Sagat BAIGARAYEVA KAZ

ІІІ орын – Anjali ANJALIIND

60 kg

І орын – Begai BEISHENAALY KGZ

ІІ орын – Khurshida TUKHLIEVA UZB

ІІІ орын – Nazerke ASSANKHAN KAZ

70 kg

І орын – Sevinch TURAKULOVA UZB

ІІ орын – Akbota KYDYALI KAZ

ІІІ орын – Meena MEENA IND

+77 kg

І орын – Arailym SHEGENOVA KAZ

ІІ орын – Pokizakhon KAMOLDINOVA UZB

ІІІ орын – Eesha Bharat PATIL IND