Қазақмыс активтерді қайта ұйымдастыруды аяқтады

«Қазақмыс» корпорациясы Топ активтерінің бір бөлігін қайта ұйымдастыру жөніндегі мәміленің аяқталғанын хабарлады.

Бұл шешім ТОО «Корпорация Қазақмыс» қатысушылары құрамындағы өзгерістерге байланысты қабылданған.

Компания мәліметінше, қайта құрылымдау бизнес құрылымын оңтайландыруға, басқару ашықтығын арттыруға және негізгі қызмет бағыттарына шоғырлануға мүмкіндік береді.

Мәміле нәтижесінде топ құрамында жұмысын жалғастыратын компаниялардың жаңартылған периметрі қалыптасты. Олардың қатарында өндірістік, сервистік, геологиялық барлау, білім беру және әлеуметтік бағыттағы кәсіпорындар бар.

Сонымен қатар бірқатар компаниялар корпорацияның ағымдағы қызметіне кірмейді және басқа заңды тұлғалардың меншігіне өткен. Олардың ішінде Kazakhmys Energy, Kazakhmys Distribution, Kazakhmys Coal, KAZ GREEN ENERGY, Топар ГРЭС-і, «Қазақмыс» сақтандыру компаниясы, KM Life және басқа ұйымдар бар.

Корпорация бұл ұйымдардың қызметіне қатысты барлық сұрақтар олардың меншік иелері мен басшылығына жолдануы тиіс екенін атап өтті.

Компания мәміле өндірістік қызметке, қызметкерлер мен серіктестер алдындағы міндеттемелерге әсер етпейтінін мәлімдеді. Барлық негізгі процестер штаттық режимде жалғасуда.

Сондай-ақ «Қазақмыс» өнеркәсіптік қауіпсіздік, тұрақты даму және әлеуметтік жауапкершілік қағидаттарына бейілділігін сақтай отырып, инвестициялық бағдарламаларды іске асыруды жалғастыратынын жеткізді.

Бүгін, 15:44