Қазақстан БАӘ: реформалар бағыты ұқсас

«Қазақстан президентінің ішкі реформалары жаһандық үдерістермен үндес.

Әсіресе ел жастарын инновацияға бейімдеу бағытындағы бастамалар өте өзекті». Қазақстан басшысының таяуда жариялаған жолдауына қатысты пікір білдірген абудабилік сарапшы Мохаммед Кәміл Әл-Муайни осылай дейді. Ол елімізде жүзеге асып жатқан реформалардың кей тұстарын сөз етіп, қазақ-әмірлік ықпалдастығы алдағы уақытта мәдени және гуманитарлық бағытта тереңдей түсетінін айтты. Себебі бұған алғышарт жеткілікті. Айталық, білім беру саласындағы адам капиталын дамыту бастамалары екі елде де ұқсас әрі ортақ. Басым бөлігі тек тәжірибе жүзінде қалмай, кәдеге жаратылып жатыр» - дейді маман.

Мохаммед Кәміл Әл-Муайни, жаһандық мәдени коммуникация орталығының басшысы /БАӘ/:

- Қазақстан басшысының жолдауы ішкі реформаларды жаһандық күн тәртібімен ұштастырды және Қазақстанның халықаралық ынтымақтастық қағидаттарына берік екенін көрсетті. Солардың ішінде жастарды заманауи үдерістерге бейімдеу, жан-жақты біліммен қамту бастамалары өте өзекті дер едім. Қазақстан мен Араб әмірліктерінің осы тұста мақсат-мұраттары ұқсас. Сондықтан қос тараптың гуманитарлық саладағы ықпалдастықты одан әрі тереңдетуі маңызды бағыт бола алады.